«Aramshóptermen bıologııalyq ádis arqyly kúresý jańa damyp kele jatyr. Bul tásildiń bolashaǵy zor. О́ıtkeni, hımııalyq ádis arqyly kúresý ónimdi jáne tıimdi dep keńinen qoldanylǵanmen, ekologııalyq turǵydan, ıaǵnı qorshaǵan ortany qorǵaý jaǵynan alyp qaraǵanda onyń birqatar zııandy jaqtary bar. Bul oraıda agrotehnıkalyq jáne fıtosanıtarlyq sharalardy ushtastyryp júrgizý qajet», – deıdi joba avtorlary.
Jas ǵalymdar zııankes ósimdikterdi joıýda agrotehnıkalyq, bıologııalyq, hımııalyq jáne ottyq tásilderdi qoldanbaq. Bul shara jylyjaı men egistik jerlerdi aram shópterden túbegeıli aryltyp qana qoımaı, dándi daqyldardyń sabaǵy men tamyryn tazalaýǵa septesedi.
«Aýyl sharýashylyǵy daqyldarynan joǵary jáne turaqty ónim alýǵa baǵyttalǵan jumystar barysynda alqaptaǵy aram shópterdi joıýdyń mańyzy zor. Olar egistik dalasyn búldirip, ónimderge orasan zor zııan keltiredi. Aram shóptiń Qazaqstanda 300-den astam túri bar. Kóptegen zııankes ósimdikterdiń tamyrlary topyraqqa tereń boılap ósedi. Sondyqtan olar tereń qabatta jatqan ylǵal men qorektik zattardy jaqsy paıdalanady. Máselen, 1 gramm tary 250 gramm ylǵal jumsasa, osy astyq tuqymdasyna jatatyn qarasuly sııaqty aramshóp 600 gramm ylǵaldy qajet etedi. Iаǵnı, eki jarym ese kóp. Mine, sondyqtan da zııankes ósimdiktermen kúresti óristete berýimiz kerek», – dep atap ótti stýdentter.
Aıtýlarynsha, jyldyq jaýyn-shashyn qorynyń besten bir bóligi aram shópterdiń ósip-ónýine jumsalady. Olar qorektik zattardy kóp mólsherde paıdalanǵandyqtan topyraqtyń qunarlylyǵyn da tómendetedi.
Ǵylymı jańalyq oqý ornynyń zerthanalyq kesheninde tájirıbeden ótip jatyr. Aldaǵy ýaqytta óndiriske engizý jaǵy da qarastyrylmaq.
