Kapital.kz: Bıznestiń aralasýymen balabaqsha máselesi sheshimin tabýda
2016 jyly ashylǵan balabaqshalar men shaǵyn ortalyqtardyń 78 paıyzyn kásipkerler ashqan. Memleket pen bıznestiń áriptestiginiń arqasynda mektepke deıingi bilim berý mekemelerindegi oryn tapshylyǵy 40 paıyzǵa azaıyp, 145,2 myńnan 86,8 myńǵa deıin tómendedi. Sarapshylardyń pikirinshe, ǵylym men bilimdi damytýdyń memlekettik baǵdarlamasynyń kómegimen 2017 jyldyń sońynda oryn tapshylyǵy 55,9 myńǵa azaıyp, 2020 jylǵa qaraı bul másele birjola sheshimin tappaq.
2016 jyly 3-6 jas aralyǵyndaǵy búldirshinderdiń 86 paıyzy mektepke deıingi bilim berý mekemelerimen qamtyldy. Bul kórsetkish 2015 jyly 82 paıyz bolatyn. Onyń ósýine ótken jyly 825 jańa balabaqshanyń ashylýy sebep bolǵan. Sonyń ishinde 652-sin bıznesmender ashqan kórinedi.
Qazirgi tańda Batys Qazaqstan Shyǵys Qazaqstan, Soltústik Qazaqstan, Pavlodar men Qostanaı oblystarynda 3-6 jas aralyǵyndaǵy búldirshinder 100 paıyz balabaqshamen qamtylǵan. Al Mańǵystaý (81,5%) men Ońtústik Qazaqstan (67,9%) oblystary jáne Astana (73,7%) men Almaty (80,2%) qalalary respýblıkalyq kórsetkishten qalyp kele jatyr.
Forbes: Daǵdarys kezinde jyljymaıtyn múlikke aqsha salý kerek pe?
2017 jyldyń alǵashqy úsh aıynda Qazaqstan boıynsha 55 myń páter saýdaǵa shyǵarylsa, sonyń 50,7 myńy satylǵan. Usynystyń kóptigine jańadan salynýshy úıler men qaıtalama naryqtaǵy satylatyn úılerdiń sanynyń artýy sebep bolǵan.
Naqtyraq aıtar bolsaq, 2017 jyldyń alǵashqy maýsymynda respýblıka boıynsha 25,2 myń jańa páter men qaıtalama naryqtaǵy 30 myńdaı páter saýdaǵa qoıyldy. Bul ótken jyldyń osy ýaqytyndaǵy kórsetkishten 18%-ǵa artyq.
О́ńirler boıynsha Astanada saýda qyzý. Qańtar-naýryz aralyǵynda elordada uzyn sany 907 myń sharshy metr bolatyn 9 myń páter salynǵan. Qazirgi tańda áli 1 mln sharshy metr úı salynyp jatyr.
Halyqtyń naqty tabysynyń azaıǵany men sonyń nátıjesinde ıpotekanyń berilýiniń sıregenine qaramastan, ótken jyly halyqtyń valıýtalyq salymdary esebinen jyljymaıtyn múlik saýdasyna qan júgirdi. Ol kezde halyqtyń 80%-y qarajatty ózge valıýtada saqtaǵan bolatyn.
Sarapshylardyń pikirinshe, osynyń arqasynda respýblıka turǵyndarynyń tólem qabileti saqtalyp qalǵan.
Qazirgi tańda eldegi jyljymaıtyn múlikke suranys pen usynystyń qatynasy 10/12 deńgeıinde, al Astanada 10/19 shamasynda.
LS: Allur Group kompanııasynyń Qytaıǵa satylǵany kólik naryǵyna qalaı áser etedi?
Jaqynda Qytaı ınvestorlary «AllurGroup» kompanııasynyń 51% aksııasyn satyp alǵany týraly habarlanǵan edi.
Strategııalyq qujatqa qytaılyq SMS kompanııasynyń prezıdenti Wang Xusheng men Allur Group aksıoneri ári dırektorlar keńesiniń múshesi Iýrıı Shaı qol qoıdy. Kelisim somasy týraly naqty sheshim men strategııalyq jospar eki aıdan soń anyqtalady. Qytaılyq kompanııa kapıtalǵa jyl sońyna deıin enýi tıis.
Osy kezeńniń ózinde qytaılyq ınvestorlar Ortalyq Azııa elderin, Reseı, Belarýs naryqtaryn jaýlap alýdy kózdep otyr. Shaıdyń sózinshe, kompanııada jumys isteıtin qyzmetkerlerdiń 90%-yn Qazaqstan azamattary quraıtyn bolady. Al qytaılyqtar tek top-menedjerlerdiń mindetin atqarady.
Tilshilerdiń saýalyna jaýap bergen Iýrıı Shaı kompanııada basqa amal qalmaǵanyn ashyp aıtqan bolatyn.
Sarapshylardyń pikirinshe, kompanııaǵa qytaı mamandarynyń kele bastaýy birinshi kezekte tehnologııa transferine jol ashady. Iаǵnı, otandyq kólik qurastyrý salasy jańa tehnologııalarmen jabdyqtalady degen úmit bar.
Sonymen qatar, kompanııa basshylyǵynyń ózgerýi ónimniń satý naryǵyn keńeıte túspek. Esterińizge sala keteıik, Tájik kásipkerleri 24 mln dollarǵa Qazaqstanda jasalǵan 1500 Peugeot 301 sedany men 500 JAC S3 krossoverine tapsyrys bergen edi.
Abctv.kz: Jekemenshik medısına memlekettik tapsyrysqa zárý
Qazaqstandaǵy medısınalyq bıznes memleket tarapynan ashyqtyqty sezine almaı otyr. «Atameken» kásipkerlerdiń ulttyq palatasy tóraǵasynyń orynbasary Iýlııa Iаkýpbaevanyń aıtýynsha, jekemenshik medısınalyq uıymdar memlekettik tapsyrysqa qol jetkizýde ádiletsizdikpen betpe-bet kelýde.
«Qazaqstandyq jeke medısınalyq qurylymdar qaýymdastyǵy» ZTB prezıdenti Gúlnar О́tepova da medısınalyq kómek kórsetýge tapsyrys bólý qaǵıdalary medısınalyq bızneske túsiniksiz ekenin rastady. «Biz medısınany damytý úshin óz aqshamyzdy salamyz, memleketten bir tıyn da almaımyz. О́kinishke qaraı, memleket te bizdi qur qaldyryp otyr. Biz nesıe alamyz, óz aqshamyzdy salamyz. Meni barlyq jekemenshik uıymdar qoldaıdy dep oılaımyn, búgingi kúni alańdatatyn negizgi másele mynaý – bizdi MÁMS júıesine qanshalyqty tartady. Árıne osyǵan baılanysty qarjylyq jáne operasııalyq táýekelder bar. MÁMS júıesin tabysty engizý úshin memleket oǵan jekemenshik bıznesti tartýy kerek. Densaýlyq saqtaý salasynda adal básekelestik bolǵanda ǵana medısına sapaly deńgeıge kóteriledi. Al bul túptep kelgende óz azamattarymyzdyń densaýlyǵy», – dedi Gúlnar О́tepova.
«Sonymen birge biz tarıf belgileý máselesin jıi kóteremiz. MJÁ-ge tapsyrylatyn kompanııalar dyń sany artý úshin medısınalyq qyzmetterdiń tarıfterin ózgertý kerek, ókinishke qaraı, búgingi kúni olar básekege qabiletsiz, óz shyǵynyn óteı almaıdy, sol sebepti ınvestorlar úshin tartymsyz. Olarda amortızasııalyq shyǵyndar, quny 5 mln teńgeden asatyn jabdyqtarǵa jumsalatyn shyǵyndar, kúrdeli jáne aǵymdyq jóndeý jumystaryna ketetin shyǵyndar, sondaı-aq bankten alynǵan nesıe boıynsha paıyz eskerilmeıdi», – dedi KUP tóraǵasynyń orynbasary.
Kásipkerlerdiń ulttyq palatasy TMKKK men MÁMS aıasynda medısınalyq kómek kórsetýde jekemenshik medısınalyq uıymdardyń resýrstaryn barynsha kóbirek tartýdy usyndy.
