Aqtóbe qalalyq jergilikti polısııa qyzmetiniń burynǵy basshysy Maqsat Shlıashevti prokýratýra tekserip, tergedi. Ol 5 maýsymdaǵy terrrıstik akt kezinde tıisti deńgeıdi sheshim qabyldamady, №6655 áskerı bólimine shabýyl jasaǵan lańkesterdiń izine túspedi degen kúdikke ilikken bolatyn. Sol kezde onyń orynbasary Ermek Shýkanovtyń da isi qaraldy. Biraq Bas prokýratýra lańkestik oqıǵa kezindegi quqyq qorǵaýshylardyń is-áreketterinen eshqandaı kinárat tappaı, isti qysqartty. Biraq eki polıseı basshylyq qyzmetke qaıta oralmady. Al búgin qalalyq jergilikti polısııa qyzmetine 38 jastaǵy Arman О́teshev taǵaıyndaldy.
«Aqtóbe oblysynyń ákimi Berdibek Saparbaev oblystyq jergilikti polısııa qyzmetiniń basshysy Qanat Álıev usynǵan kandıdatýrany qoldady. Qalalyq jergilikti polısııa qyzmetine Arman О́teshev taǵaıyndaldy. Ol 1979 jyly Aqtóbe oblysy, Qobda aýdanynda týǵan. Qaraǵandy zań ınstıtýtyn bitirgen. Eńbek jolyn ýchaskelik ınspektor qyzmetinen bastaǵan. Keıin tergeýshi bolyp jumys istedi. Jańa qyzmetke taǵaıyndalǵanǵa deıin Qobda aýdandyq ishki ister bólimi basshysynyń orynbasary boldy. Úılengen. Eki bala tárbıelep otyr»,- dedi oblystyq IID baspasóz hatshysy Nurgúl Qonaqbaeva.
Aıta keteıik, Arman О́teshevtiń kandıdatýrasyn qalalyq máslıhat depýtattary biraýyzdan qoldady.
