Al 2017 jyldyń qorytyndysymen óńirdegi 57 eldi meken nemese 99,5 myń adam tabıǵı gazben qamtylyp, oblystaǵy gazdandyrylǵan aýyl, aımaqtar sany 357-ge (42,3 %), ıaǵnı, 1 854 807 turǵynǵa (65,3 %) jetetin bolady.
Munan bólek, osy jyly «Gazlı-Shymkent» magıstraldy gaz qubyry boıynan Qazyǵurt aýdanyna «Shanaq» avtomattandyrylǵan gaz taratý stansııasy (ári qaraı AGTS) jáne Shardara aýdanyna №18 «Shardara» AGTS qurylystary júrgizilýde. Nysandardy 2018 jyldyń aıaǵynda paıdalanýǵa berý josparlanǵan. Bul óz kezeginde atalǵan aýdandardy tolyǵymen gazdandyrýǵa jol ashady.
Aıta keteıik, oblys tabıǵı gazben О́zbekstan Respýblıkasynan keletin «Gazlı-Shymkent» jáne otandyq «Beıneý-Bozaı-Shymkent» magıstraldy gaz qubyrlarynan qamtamasyz etiledi. Tabıǵı gazǵa jyldyq qajettilik ortasha 1 mlrd.m3 quraıdy.
Sońǵy 8 jylda tabıǵı gazben qamtylmaǵan 203 eldi meken qosymsha gazdandyrylyp, jalpy oblystaǵy 844 eldi mekenniń 300 (35,5%) eldi mekeni nemese 1 755 307 turǵyny (61,8 %) tabıǵı gazben qamtamasyz etilgen.
Oblystyq energetıka jáne turǵyn úı-kommýnaldyq sharýashylyq basqarmasymen oblystyń eldi mekenderin 2017-2020 j.j. aralyǵynda gazdandyrýdyń keshendi is-shara jospary ázirlendi. Josparǵa sáıkes, 2021 jylǵa qosymsha 383 eldi mekenderdi (960 195 halyq) gazdandyrý josparlanǵan. Nátıjesinde 2020 jyldyń qorytyndysymen gazdandyrylǵan eldi mekender sanyn 683 eldi mekenge (80,9 % e.m.) nemese 2 715 501 (95,6 %) halyqqa jetkizý kózdelip otyr. Jalpy osy baǵytqa 2016 jyly respýblıkalyq jáne oblystyq bıýjetten 13,7 mlrd.tenge (RB-420,0 mln.tń, OB-13,3 mlrd.tń) bólinip, 25 eldimeken gazdandyrylǵan.
