Bıylǵy jyldyń basynda Prezıdenttiń el halqyna arnaǵan Úndeýi men Joldaýy úlken qyzyǵýshylyq týdyrǵan bolatyn. Konstıtýsııaǵa ózgerister men tolyqtyrýlar engizý máselesi, Elbasynyń Joldaýy jurtshylyq tarapynan qyzý talqylandy. Meniń paıymdaýymsha, búginde Memleket basshysynyń «Bolashaqqa baǵdar: rýhanı jańǵyrý» atty kólemdi baǵdarlamalyq maqalasy da qoǵamnyń úlken qyzyǵýshylyǵyn týdyryp, pikirtalastarǵa arqaý bolýda.
Osy máselege qatysty óz ustanymdy bildire otyryp, Prezıdentimiz kótergen biregeı bastama aldaǵy ýaqytta básekege qabiletti jańa býynnyń qalyptasýyna yqpalyn tıgizedi dep sanaımyn.
Búgingi tańda memleket tarapynan jastardyń jan-jaqty damýyna tolyq jaǵdaı jasalyp otyr dep aıta alamyn. Jastar bolashaqta eldi bıik belesterge bastap, elimizdiń halyqaralyq arenadaǵy ornyn nyǵaıta beretini sózsiz.
Prezıdenttiń bastamasyn qoldaı otyryp, Qazaqstandaǵy nemis jastarynyń atynan memlekettik tildiń latyn álipbıine kóshýin qoldaıtynymyzdy aıtqym keledi. Meniń pikirimshe, bul ózgeris sheteldikterdiń memlekettik tilimizdi úırenýge degen qulshynysyn arttyrady, sebebi latyn álipbıi arqyly olarǵa qazaq tilin túsiný ońaı bolady. Qazirgi jastar aǵylshyn, nemis, fransýz jáne basqa da shet tilderin erkin meńgergenin eskersek, qazirgi kırıll álipbıinen latyn álipbıine ótý qıyndyq týdyrmaıdy. Jastar alǵa qoıylǵan jahandyq mindetterdi iske asyrýǵa atsalysýy tıis dep sanaımyn.
Artýr BARTEL,
Qazaqstandaǵy Nemis jastary odaǵynyń tóraǵasy
