«Mektepti ashqandaǵy maqsatymyz – aýyl jastaryn, osyndaǵy qara domalaqtardy at sportyna baýlý. Aýyldyń barlyq balalaryna qaı ýaqytta kelemiz dese de, esigimiz ashyq. «Atqa mingen qazaqtyń keýdesin eshkim basa almaıdy» degendeı, sońymyzdan ergen ini-qaryndastarymyz jastaıynan jylqyǵa úıir bolyp ósse, deneleri shymyr ǵana emes, sanalary da sergek bolady», degen Bolat Qoıbaǵarov aýyldaǵy taqymy berik, shabandoz balalarǵa aqsha tólenetinin de aıtyp qaldy.
Sondaı shabandozdyń biri − 8-synypta oqıtyn Serikbol Qabylbekuly. «Eki jyldan beri atqa shaýyp kelemin. Bapkerim bar. Atqa shapqanym úshin aıyna 20 myń teńge tóleıdi. Júldesin de syıǵa berip jatady», deıdi mektepte oqysa da, tabys taýyp júrgen balǵyn shabandoz.
Búginde sport mektebinde 14 at bar. Barlyǵy da asyl tuqymdy, taza qandy jylqylar. Onyń keıbirin sonaý Kavkazdan, keıbireýin Almatydan arnaıy aldyrypty. Arasynda alamannyń aldyn bermeı júrgenderi de bar. At sporty mektebiniń dırektory Bolat Qoıbaǵarov keleshekte ıppoterapııa ortalyǵyn ashýdy josparlap otyrǵandaryn jetkizdi.
Azamat QASYM,
«Egemen Qazaqstan»
Shyǵys Qazaqstan oblysy,
Tarbaǵataı aýdany
Sýretti túsirgen avtor
