Almatyǵa 50 myń qyzǵaldaq kóshetin syılady

Sonyń biri – «Qyzǵal­daqtar» festıvali. Orta­lyq saıabaqta uıym­das­tyrylǵan «Kóktem kór­ki – qyzǵaldaq» atty fes­tıval aıasynda al­­ma­ty­lyqtar san túrli qyz­­­ǵal­daqtardy tamashalady. Saıa­baq kelýshilerdi at­­­shap­tyrym aýmaqqa egil­gen qyzǵaldaq kilemimen qar­­sy aldy. Qazaqstanda qyz­­ǵaldaqtyń 32 túri ósedi, onyń ishinde 12 tú­ri tek bizdiń elimizdiń to­pyraǵyna tán. Otany osy jer bolyp tabylatyn qyrmyzy gúldiń orta ǵa­syrlardyń ózinde-aq qyr-bel emes, qy­rýar el asyp, Nıderland arqyly ózi­­mizge qaıta oralǵany qy­z­­­ǵaldaqtardy túri men tú­si jaǵynan anaǵurlym jetil­dirip, birin-biri qaı­ta­lamas sulýlyǵymen suq­tan­­dyratyn turpat syı­laǵan. 

Kilemdi gúlzarlarymen, aryq­­­tarymen, taý ózen­deriniń syńǵyrlaǵan sýymen tanymal bolǵan Almaty sııaqty gúl qalanyń ákimdigi jasyl jelekpen kómkerýge, abattandyrýǵa, bezendirýdiń jańa tehnologııalary men ádis-tá­sil­deriniń en­gizilýine, ekolo­gııaǵa úles qosýǵa jyl saıyn qomaqty qarjy bólip otyrady. Dál qazir shahardy kógaldandyrý, gúlmen be­­zendirý naýqany bastalyp ketti, al sulýlyqpen sáýlettendirý isin­de kók­tem­men birge keletin qyz­ǵal­­daqtyń orny erekshe. Festıvalǵa aı­maqtardan arnaıy kelgen baý-baqsha isiniń mamandary kógaldandyrý isiniń tájirıbesimen, qyz­ǵaldaqtardy qolaıly, qatal klımattarda ósirý týraly oılarymen bólis­ti. Ǵumyry qysqa bolsa da, ádemi­ligimen tamsandyratyn qyz­ǵal­daq ósirýde baı tájirıbesi bar sheteldik mamandar, atap aıtqanda, Túrkııanyń Fsya Lale, Turkuaz Machinery kompanııalary Almaty qala­syna 50 myń qyzǵaldaq kóshetin syıǵa tartty. Nıder­land­tan, Túrkııadan kelgen gúl ósirý isiniń sheberleri osy sharany uıymdastyryp otyrǵan «Grın Land» kom­panııasynyń ónimi men zamanaýı landshaft kásibin damytýǵa úles qosyp kele jatqan kompanııa jetekshisi Gúlzada Qaldybaevanyń eńbegine joǵary baǵa berdi.

Festıval aıasynda qyz­­ǵal­daqtan jasalǵan kom­pozı­sııalar ekskýrsııasy, kór­kem­ónerpazdar ujym­­dary men belgili óner she­ber­­leriniń kon­ser­ti, ashyq aspan astynda asfalt­ta sýret salý, er­mek­­­saz­dan, qa­­ǵazdan, mata­dan, te­ri­den qyz­ǵal­daq­tar ja­­saý­ǵa úı­­re­tetin she­be­r­­lik sa­baq­tary uıym­dasty­ryldy.

Aıgúl AHANBAIQYZY,

«Egemen Qazaqstan»

ALMATY