Elbasy Qazaqstan halqy Assambleıasynyń oblystyq ǵımaraty aldynda boı kótergen «Qazaq eline myń alǵys!» monýmentin kórdi. Monýment óńirdiń 20 etnomádenı birlestiginiń bastamasymen salynǵan, ol túrli ulttardyń qazaq halqyna degen alǵysy men adal nıetiniń nyshany bolyp sanalady.
Nursultan Nazarbaev kópultty memleketimizdegi túrli ulttar men ulystar ókilderiniń dostyǵy táýelsiz Qazaqstannyń basty baılyǵy ekenin atap ótti.
Qazaqstan Prezıdenti «Qoǵamdyq kelisim» memlekettik mekemesi men óńirdiń etnomádenı ortalyqtary ornalasqan Qazaqstan halqy Assambleıasynyń ǵımaratymen tanysty.
Memleket basshysynyń nazaryna etnomádenı birlestikter ókilderiniń oryndaýyndaǵy «Birligimiz jarasqan» dep atalatyn mýzykalyq kompozısııa usynyldy.
