Konsýltasııalar barysynda taraptar eki el aýmaqtaryna azamattardyń kirý/shyǵý jáne bolý tártibi, zańsyz eńbek mıgrasııasynyń aldyn alý, ekstradısııa jáne sottalǵan adamdardy berý, sondaı-aq basqa da ózara múddelilik bildiretin máseleler talqylandy.
О́tkizilgen kelissózderdiń negizgi taqyryptarynyń arasynda Koreıa Respýblıkasyna týrızm, iskerlik, emdelý maqsattarymen kelgen qazaqstandyq azamattardy deportasııalaý oqıǵalarynyń jıilenýi boldy.
Seýlden kelgen joǵary delegasııa Koreıa ımmıgrasııalyq qyzmetteriniń elge kirgizbeý týraly faktilerdiń jıileýi, sonymen qatar, deportasııaǵa jáne qarjylyq shyǵyndar men moraldyq-psıhologııalyq zardap shekken QR azamattary tarapynan túsken shaǵymdar sanynyń ósýi, olardyń quqyqtarynyń buzylýy men bostandyqtarynyń shektelýi jóninde aqparattandyryldy.
Koreıa dıplomattary qalyptasqan jaǵdaıǵa túsingendik tanytyp, jaqyn arada Seýlde osy máseleni sheshý boıynsha óz eliniń kóshi-qon qyzmetterimen vedomstvoaralyq konsýltasııalar ótkizýge ýáde berdi.
Sonymen birge, jappaı deportasııalaý sebepteriniń qatarynda Koreıaǵa zańsyz jumys isteý maqsatymen vızasyz rejımdi paıdalanyp keletin qazaqstandyqtar sanynyń ósýi atap ótildi.
Kelissózder syndarly jaǵdaıda jáne ózara túsinýshilik rýhynda ótti.
