"Jaqynda men Amerıka Qurama Shtattarynda bolyp, "Shevronnyń" basshysy Ýotson myrzamen kezdeskenmin. Sonda onyń aıtqany, 25 jyldyń ishinde Qazaqstan qalaı ósti, "Shevron" da solaı damydy. Aldaǵy ýaqytta kompanııa óz óndiristerin keńeıtý aıasynda 39 mlrd. dollar kólemindegi ınvestısııany salýdy josparlap otyr. Bul álem boıynsha munaı-gaz salasyndaǵy eń iri ınvestısııa bolyp sanalady. Ýotson myrza óz kompanııasynyń sheteldegi Qazaqstan elshisi qusap bárine osy eldegi ınvestorlar úshin jasalatyn jaǵdaılar jaıynda aıtyp júretinin jetkizdi. 25 jyldyń ishinde qanshama aqsha taptyq, endi sony basqa memleketke emes, Qazaqstanǵa salamyz dep otyr. Sondyqtan biz eski ınvestorlardy esh ýaqytta umytpaımyz. О́ıtkeni olarǵa qarap, jańa ınvestorlar keledi", - dedi Úkimet basshysy.
Aıta keteıik, Premer-Mınıstr Baqytjan Saǵyntaev Qazaqstanǵa tartylǵan ınvestorlardyń aımaqtarda birqatar kedergilerge tap bolatynyna alańdap otyr. Sonyń biri - jergilikti bıliktiń til bilmeýi.
Al QR Investısııalar jáne damý mınıstri Jeńis Qasymbektiń aıtýynsha, maýsym aıynyń aıaǵyna deıin ınvestısııalardy tartýdyń ulttyq strategııasy daıarlanady. Sonyń aıasynda shetel ınvestısııasyn tartyp qana qoımaı, ony ustap qalýǵa da basymdyq beriledi.
