Qazaqstan Prezıdenti joǵary tehnologııalardy qoldaný arqyly alma ósirip, ony saqtaýmen jáne satýmen aınalysatyn «DALA-FRUIT.KZ» jaýapkershiligi shekteýli seriktestiginiń jumysymen tanysty.
Sondaı-aq, Memleket basshysy oblystyń áleýmettik-ekonomıkalyq damý kórsetkishteri jóninen habardar bolyp, aýyl sharýashylyǵy ónimderiniń kórmesin aralady.
– Budan 10-15 jyl buryn ózimiz osyndaı alýan túrli ónim óndiremiz dep oılap pa edik? Al búgin ol shyndyqqa aınaldy, – dedi Elbasy.
Sońynda Nursultan Nazarbaev jınalǵan kópshilikke baq-bereke tilep, joǵary óndiristik kórsetkishterge qol jetkizýlerine nıettestigin bildirdi.
Aıta keteıik, seriktestik jylyna 8-10 myń tonna alma ósiredi. Kompanııa óz jumysynda baq ósirý salasyndaǵy álemdik úzdik tájirıbelerdi qoldanady.
