«Kazakh Invest» - bul tek qana jańa ataý emes, sondaı-aq, bul tutas bir paradıgmanyń paıda bolýy. Investorlar - bizdiń basty nazarymyzda. Biz jańa ınvestorlardy tartamyz, sonymen qosa burynǵylaryn da umytpaımyz. Biz olarǵa ne kerek ekenin bilemiz, jáne olardyń dál osy Qazaqstanda jumys istegenderin qalaımyz. Kazakh Invest-tiń negizgi qaǵıdasy – eshkimge kedergi keltirmeı, kómek kórsetý», - dedi M. Qabashev.
Ol «Kazakh Invest» Qazaqstan Úkimeti atynan halyqaralyq ınvestısııalyq qoǵamdastyqpen baılanystar ornatyp, olardy nyǵaıtý boıynsha biregeı kelissóz júrgizýshi ári biryńǵaı ortalyq retinde is-qımyl jasaıtynyn atap ótti.
Osyǵan oraı «Kazakh Invest»-tiń basty fýnksıonaldyq mindeti – shetel ınvestoryna tutastaı qoldaý kórsetý, ıaǵnı ıdeıadan bastap, Qazaqstanda óndiris ornyn ashyp, odan keıin eksportqa shyqqanyna deıin qoldaý kórsetý, ózgeshe aıtqanda – ınvestısııalyq jobanyń bastan-aıaq iske asyrylǵanyna deıin súıemeldeý jumystaryn júrgizý.
«Bul el ekonomıkasyna ınvestısııalar tartýdyń barynsha tıimdi, utymdy jáne bızneske baǵdarlanǵan formatyna aýysý degendi bildiredi», - dedi basqarma tóraǵasy.
Sonymen qatar, sharada Dúnıejúzilik Banktiń ınvestısııalyq ahýal máseleleri jónindegi keńse basshysy Nımak Ivan ınvestısııalar tartý boıynsha Ulttyq ınvestısııalyq strategııa jobasyn tanystyrdy.
«Ekonomıkany ártaraptandyrý úderisin jeńildetý úshin ınvestısııa túrleri ózgertilýi tıis. Olar shıkizattyq nemese tabıǵı resýrstarǵa ǵana shoǵyrlanbaı, ınvestısııalardyń basqa túrlerine qaraı jyljýy tıis: sapaly jáne sandyq. Biz ekonomıkalyq ósim men jańǵyrtýdy qamtamasyz etý úshin áldeqaıda tıimdi ınvestısııalardy izdeımiz», – dep atap ótti óz baıandamasynda N.Ivan.Onyń aıtýynsha, ınvestısııalar tartý jáne ustap qalý boıynsha Ulttyq strategııa Qazaqstanda TShI ártaraptandyrý jáne tıimdilikti arttyrýǵa baǵyttalǵan qosymsha quny joǵary ınvestısııalar úlesin arttyrý boıynsha Jol kartasy bolyp tabylady.
Dúnıejúzilik Bank ókili strategııalyq maqsattarǵa ózara baılanysty úsh tásildi paıdalaný arqyly qol jetkiziletinin aıtty: ınvestısııalardyń jańa túrlerin tartý, qazirgi TShI-den túsetin paıdany arttyrý, strategııalyq jekeshelendirýdi júrgizý jáne MJÁ paıdalaný.
Strategııanyń basymdyqtary retinde N.Ivan úsh baǵytty belgiledi: ınvestısııalyq ahýaldy jaqsartý boıynsha reformalar, halyqaralyq naryqtarda ınvestısııalardy ilgeriletý jáne jaıǵastyrý, jekeshelendirý jáne MJÁ.
