Ushý qaýipsizdigi udaıy nazarda bolýy qajet

«Qurmetti Baqytjan Ábdir­uly! Meniń depýtattyq saýal joldaýyma azamattyq já­ne memlekettik avıasııa salas­yn­da­ǵ­y ushý qaýipsizdigin qam­ta­masyz etýdiń tıimsiz júıesi se­­bep  bolyp otyr.  Qazirgi ýa­qyt­­ta azamattyq avıasııa sala­syn sertıfıkattaý, sondaı-aq ushý qaýipsizdigin qadaǵalaý men ba­qylaý fýnksııalary Qa­zaq­standa bir ǵana organnyń – Qa­zaqstan Respýblıkasy In­ves­tı­sııalar jáne damý mını­strligi Azamattyq avıasııa komıtetiniń qa­raýyna berilgen, ıaǵnı sol mem­le­kettik organ sertıfıkattaıdy jáne qadaǵalaý men baqylaýdy júzege asyrady. 

Bul qalyptasqan jaǵdaı, menińshe, qabyldanatyn she­shim­der­diń obektıvtiligin qam­ta­ma­syz etpeıdi, sybaılas jem­qor­lyq pen quqyq buzýshylyqqa jaǵdaı tý­ǵyzady, sonyń negizinde avıa­sııa­lyq oqys oqıǵalardyń týyn­daý táýekelderi  arta túsedi. Eger statıstıkaǵa mán bersek, 2012 jyldan 2016 jylǵa deıingi ýaqyt ishinde Qazaqstanda 30-dan astam avıaapattar men oqys oqıǵalar oryn alyp, 85-ten asa adamnyń ómiri qıyldy, bul ser­tıfıkattaý men qadaǵalaý rá­simderi sapasynyń tómendigin kór­setedi.

Osyǵan baılanysty, bi­rin­shiden, azamattyq jáne mem­le­kettik avıasııadaǵy sertıfıkat­taý, qadaǵalaý jáne baqylaý jó­nindegi memlekettik fýnksııa­lardy ártúrli memlekettik ve­domstvolarǵa qaıta bólý qa­jet. Ekinshiden, Qazaqstan Res­pýb­lıkasynyń Úkimeti jany­nan ushýdyń qaýipsizdigin qada­ǵa­laý­dy júzege asyratyn jáne avıasııalyq oqys oqıǵalarǵa ter­gep-tekserý júrgizetin derbes memlekettik organ qurý ke­rek. Bul organnyń qyzmeti aza­­mattyq avıa­sııa salasymen ǵa­na shektelmeýi tıis. Onyń qa­­daǵalaýy men baqylaýyna mem­lekettik organdar avıa­sııa­sy­nyń qyzmeti de (QM, UQK, IIM já­ne t.b.) jatýy qajet, sebebi bul memlekettik organdardaǵy ushý qaýipsizdigin qamtamasyz etý­men jáne avıaapattardy tergep-tekserýmen baılanysty qalyptasqan jaǵdaı, ol da jaqsartýdy qajet etedi. Áli kúnge deıin memlekettik avıasııadaǵy (QM, UQK Shekara qyzmeti, Ulttyq ulan) jáne jeke­men­shik avıasııadaǵy sońǵy jyldary oryn alǵan apattardyń, oqı­ǵalardyń resmı túrde jarııa­lan­ǵan naqty anyqtamasy joq. Osy sebepten avıasııalyq oqıǵa­lar­ǵa profılaktıka júrgizý múm­kin bolmaı otyr.

Sondaı-aq, ushý qaýipsizdigin qam­tamasyz etý máselesin bir­neshe memlekettik quryly­m­nyń jumysymen baılanysty keshendi mindet retinde qaraý kerek. Ony sheshýdiń joldary osy saladaǵy ǵylymı-zertteý jumystarynyń nátıjelerine, olardy qamtamasyz etý praktıkasyna endirýge de baılanysty. Sonymen birge, ushý qaýipsizdigin tıisti qadaǵalaý men baqylaýdy qamtamasyz etý, ásirese, sońǵy ýaqyttarda oryn alyp otyrǵan terrorlyq aktilerdiń jandanýy aıasynda óte mańyzdy. Buǵan qosa, búgingi tańda ushaqsyz ushatyn apparattardyń áýe keńistigin paıdalanýyna da baqylaý joq.

Baıandalǵannyń negizinde, kór­setilgen máselelerdi qaraý­y­ńyz­dy jáne qaraý nátıjesi boıynsha zańda belgilengen merzimde jazbasha jaýap berýińizdi suraımyn».