Legıonerlerge jumsalatyn aqsha ózin aqtap júr me?

Zań jobasymen elimizdiń Bıýd­jet kodeksine, «Salyq já­ne bıýdjetke tólenetin basqa da mindetti tólemder týraly» kodekske (Salyq kodeksi) já­ne «Dene shynyqtyrý jáne sport týraly» Zańǵa ózgeris­ter men tolyqtyrýlar engizi­ledi. Atap aıtqanda, Ulttyq olı­mpıada komıtetine 2018 jyl­ǵy 1 qańtardan bastap dene shynyqtyrý jáne sport salasyndaǵy mem­le­kettik tapsyrmany alýǵa jáne oǵan qatysýǵa quqyq berýdi kózdeıdi. Sondaı-aq, sport túrlerin saralaý júıesin engizý usynyldy. Ýákiletti organ men jergilikti atqarýshy organdarǵa qosymsha mindetter beriledi. 

Zań jobasyndaǵy birqatar erejeler boıynsha qyzý pikir­saı­ys óristedi. Senatorlar Jabal Erǵalıev pen Álı Bek­taev sheteldik legıonerlerdi tar­tý­ǵa ketetin eleýli qarjynyń shy­­ǵysyna alańdaýshylyq bil­dirdi. Depýtattardyń aıtýyn­sha, aımaqtardaǵy sportty qar­jylandyrýǵa bólinetin qar­jy­nyń 40-50 paıyzy kásibı fýtbol toptaryna beriledi. Degen­men, dene shynyqtyrý jáne sport salasyndaǵy fýtbol men sporttyń keıbir basqa túrleriniń nátıjesi tómen deńgeıde qalyp otyr.

Bizdiń elimizdegi legıoner­lerge bólinetin qarjynyń jal­py somasy týraly depýtat Vladımır Redkokashınniń qoı­ǵan saýalyna Mádenıet jáne sport mınıstriniń orynbasary Sáken Musaıbekov naqty jaýap bere al­mady. Mınıstrdiń orynbasary kásibı fýtbol klýbtary bıýdjetiniń jabyqtyǵyn aıta otyryp, klýbtardyń mem­leket qarjysy esebinen qar­jy­­landyrylatynyn jetkizdi. Mınıstrlik ókili sporttyń je­ke­legen túrleri boıynsha le­gıo­n­erlerdi tartý ózin ózi aqtap otyrǵanyn aıtty.

Senatorlar Jabal Erǵalıev, Álı Bektaev jáne Serik Bek­tur­ǵanov ulttyq sport túr­le­rin qoldaýǵa shaqyryp, ob­lys­tardaǵy daryndy balalarǵa ar­nalǵan sporttyq mektep-ınter­nat­tarǵa qalǵan qarjyny berý úde­risterine nazar aýdardy.

Pikirsaıysty qorytyndylaı ke­lip, Áleýmettik-mádenı damý já­ne ǵylym komıtetiniń tóraı­ymy Birǵanym Áıtimova qa­byl­dan­ǵan erejeler osy salanyń aı­­qyn­dyǵyn qamtamasyz ete­tinine, olımpıadalyq já­ne pa­ra­lımpıadalyq qo­z­ǵa­lys­tar­dy, ulttyq sport túrlerin da­mytýǵa jaǵdaı týǵyzatynyna úmit artatynyn jetkizdi. 

Zań jobasy palatanyń qaraý­yna jiberildi.

Nurlybek DOSYBAI,

«Egemen Qazaqstan»