«Quqyqtyq saıasat keńesindegi talqylaý barysynda izgilendirý aıasynda barlyq baptardy zerttep shyǵý sharalary eskerildi, onyń ishinde joldaǵy kólik qozǵalysy baptary qamtylyp otyr. Búginde Ádilet mınıstrligimen birlese otyryp, 14 bap boıynsha jaýapkershilikti jeńildetý sharalaryn aıqyndadyq», – dedi komıtet tóraǵasy.
Osy oraıda ol Ishki ister mınıstrligi jol apattylyǵy men qaýipsizdik jaǵdaıyna tikeleı áser etetin ereje buzýshylyqtarǵa aıyppul deńgeıin tómendetýge qarsy ekenin jetkizdi.
«Máselen, jol qıylysynda toqtaıtyn syzyqtan kóktaıǵaq saldarynan nemese baıqamaı 1 metrge asyp ketse, aıyppuldy 5 AEK-ten 3 AEK-ke deıin tómendetemiz. Múmkindigi shekteýli jandarǵa arnalǵan turaqqa kólikterin qoıyp ketkender úshin de aıyppul aıtarlyqtaı azaıtylady. Sonymen qatar kóliktiń jaryǵyn qospaı júrgeni úshin birinshi ret tek eskertý jasalady. Al ekinshi ret osy sebeppen toqtatylsa, onda 5-ten 3 AEK-ke aıyppul tómendetiledi. Iаǵnı, joldaǵy apattylyqqa tikeleı yqpal etpeıtin baptar boıynsha sanksııalardy jeńildetý qadamyna baryp jatyrmyz», – dedi I. Lepeha.
Sóz sońynda ol atalǵan baptar boıynsha naqty sheshim qabyldanatynyna senim bildirdi.
