«D.Qonaev, Máńgilik El kóshelerinde kólik keptelisin azaıtý máselesine toqtalatyn bolsaq, bıyl EKSPO bastalǵanǵa deıin 24 jáne 26-shi kóshelerdiń qurylysyn aıaqtaımyz, 31-shi kóshe sońyna deıin ashylady. Budan bólek, aǵymdaǵy jyly Uly Dala úlken magıstraliniń qurylysyn bastadyq, bul jol EKSPO aýdany men jańa temirjol vokzaly aralyǵyn qosady», – dedi S.Horoshýn.
О́z kezeginde depýtat Rashıd Ahmetov sol jaǵalaýdaǵy Máńgilik El, D. Qonaev jáne Dostyq kóshelerindegi kólik aǵynyn durys retteýge qatysty qandaı sharalar qabyldanatynyn surady.
«Atalǵan kóshe qıylystary boıynsha biz eki nusqany pysyqtap jatyrmyz. Iаǵnı, kólik keptelisin azaıtý úshin jol aıyryǵyn salý eskerilýde. Bul jol aıyryǵyn jer ústinde nemese jer astynda salý máselesin qarastyryp jatyrmyz», – dep naqtylady ákim orynbasary.
Onyń aıtýynsha, 29 mamyrda aqyly kólik turaqtary boıynsha qanatqaqty joba aıasynda 400 oryn ashylady. Sondaı-aq qazan aıynda qala aýmaǵynda taǵy 9 myń oryn aqyly turaqqa kóshedi.
Buǵan qosa, ákimniń birinshi orynbasary kóshede kólik sanyn azaıtý maqsatynda azamattardyń jumys kestesin ózgertý jospary ázirlenip jatqandyǵyn atap ótti.
«2-3 aptada turǵyndardyń barsha sanattary úshin jumysty bastaý kestesin ózgertý boıynsha sheshim qabyldaımyz. Atap aıtqanda, qala turǵyndary saǵat 8-9 kezinde bir ýaqytta jumystaryna shyqpas úshin, jumystyń bastalý ýaqytyn ózgertpekpiz», – dep túıindedi ol.
