Túngi saǵat 24.15-te qala boıynsha jańbyr sýynyń zardabyna ushyrady degen 60 oqıǵa tirkelgen. Barlyǵy 47 jekemenshik úıdiń aýlasyn sý basyp, 9 kóshede kólik qozǵalysy toqtatylǵan. «Azııa» saýda ortalyǵynyń kólemdi úsh nysany, «Almaty optıka» ámbebep dúkeni men «Botagóz» balabaqshasynyń aýmaǵy da jańbyr sýynan jınalǵan aıdynnyń astynda qalǵan.
Almaty qalalyq TJD Qutqarý qyzmeti tań atqansha jedel járdemdesý qyzmetinde júrdi. Zardap shekken nysandar men turǵyn úıdiń azamattaryna qol ushyn berý úshin tıisti mekemeden 50 adam, 20 qýatty tehnıka, 24 sý sorǵysh jumyldyryldy.
Abyroı bolǵanda zardap shekkender joq.
Jańbyr tań ata basyldy. Biraq, Qazaqstannyń gıdrometeorologııa ortalyǵy búginnen bastap 1 mamyrǵa daıyn Almaty qalasy men Almaty oblysynda túndegideı kúshti nóser jańbar qaıtalanytynyn eskertip otyr. Taýly aımaqta óte kúshti jel turýy yqtımal.
Talǵat SÚIINBAI,
«Egemen Qazaqstan»
