Atap aıtqanda, 1 mamyrda merekelik konsert men halyqtyq serýen ótedi, konsert saǵat 11:00-de «Qazaq eli» alańyndaǵy sahnada bastalady. Al qalalyq alańda Qazaqstan estrada juldyzdarynyń qatysýymen konsert ótedi.
1 mamyr kúni «Jastar» saraıynyń kınokonsert zalynda «Sálem, Astana!» balalar shyǵarmashylyǵynyń festıvali ótedi. «Halyqtar dostyǵy» konserttik baǵdarlamasy Qoıandy turǵyn alabynda 1 mamyr kúni ótedi.
2 mamyrda elorda turǵyndary men qonaqtary «Rısýıýt detı mır» sýret baıqaýyn tamashalaı alady. Shara zaǵıptarǵa arnalǵan kitaphanada Taha Hýseın k-si, 2/1 meken-jaıy boıynsha ótedi. 30 sáýirden 5 mamyrǵa deıingi kezeńde S. Seıfýllın atyndaǵy mýzeıde qala turǵyndaryna «Bereke bastaýy - birlik, el ishi tatý-tirlik» kórmesi usynylady.
