Ulttyq qundylyqty ulyqtaýǵa úndeıtin maqalada rýhanııatty jańǵyrtý isi nemese el mádenıeti men óneriniń erekshelikterin saqtaý máseleleri saıası-ekonomıkalyq jańǵyrtýmen shektelmeıtindigi naqty aıtylǵan.
Memleket basshysynyń maqalasynan men elimizdiń osy kezge deıingi júrip ótken tarıhı joly men jetistikter kezeńine qatysty qundylyqtardy kózdiń qarashyǵyndaı saqtaýǵa shaqyrǵanyn kóremin. Alaıda, osy tarıhymyzdy tereńnen tanyp-bilý barysynda beridegi jetistikterimizdi, mádenıetimiz ben ónerimizge talantty adamdary men úzdik týyndylaryn bergen keńestik kezeńdi umyt qaldyrýymyzǵa bolmaıdy. Sebebi, búgingi keremet sýretshilerimiz ben mýzykanttarymyz, aqyndarymyz, jurtshylyqtyń kóńilinen shyqqan kóptegen ǵajap týyndylarymyz óziniń bastaýyn sol kezeńnen alady.
Sondaı-aq, óner men mádenıet qaıratkerleriniń zamanaýı talapqa saı damýy, olardyń sýretkerlik, mýzykalyq, ádebı bilimderi tereńdetilip, óner men mádenıet salasyn memleket tarapynan qoldaýdyń kúsheıtilýi – Qazaqstannyń Úshinshi jańǵyrýynyń negizi bolyp tabylatynyn qaperimizden shyǵarmaýymyz kerek.
Ásııa HAIRÝLLINA,
Qazaqstan Respýblıkasy Prezıdentiniń janyndaǵy Áıelder isteri jáne otbasylyq demografııalyq saıasat jónindegi ulttyq komıssııanyń múshesi, «Áıelderdiń shyǵarmashylyq bastamasy lıgasy» QB basqarmasynyń tóraıymy
