Aýyldar men kóshelerdi abattandyrý senbiliktermen ǵana shektelip qalmaýy kerektigin, eńbek ujymdary men azamattar túrli bastamalardyń qoldaýshysy, jalǵastyrýshysy bolýy tıistigin atap kórsetti.
Bas shahardy kógaldandyrý men abattandyrýdyń jańa tujyrymdamasy jaıly qala ákimi Marat Tasmaǵanbetov áńgimeledi. Bıyl 70 shaqyrymǵa 17 500 túp kóshet otyrǵyzý mindeti tur. Olardyń 7 500-i qaraǵaı, 2 000-y terek, 2 000-y alma aǵashy, 2 000-y sheten, 2 000-y jóke, 3 000-y qaıyń. Alǵashqy senbilik kúni
2 000 kóshet otyrǵyzyldy. Budan basqa bilim berý mekemeleri – 1 200, PIK tóraǵalary men jol qurylysy uıymdary 600 túp kóshet ekti. Arnaıy qurylǵan brıgadalar eski aǵashtardy otaýmen de aınalysady. Budan tysqary jańadan boı kótergen «Bereke» shaǵyn aýdanynda bir myń túp aǵash kósheti otyrǵyzylady, dedi M.Tasmaǵanbetov. Kógaldandyrý jumystary aıasynda aýla aýmaqtaryn abattandyrý da qosa qamtylady. Búginde qaladaǵy «jandy qorshaýlardyń» uzyndyǵy 10 shaqyrymdy quraıdy. Negizinen olar alma aǵashy men onyń jabaıy túrlerinen jasalady. Endi usaq, jumsaq japyraqty óskinder de paıdalanylmaq. Sonda jalpy uzyndyǵy 25 shaqyrymǵa sozylady.
Jyl saıyn osynsha kólemde aǵash egiletin bolsa, Petropavl az ýaqytta jasyl jelek jamylǵan ásem qalaǵa aınalady. О́simdik – qalanyń ókpesi. Onyń ústine bizdiń aımaqta ósetin aǵashtarǵa kóp kútimniń qajeti joq, ylǵal jetkilikti, dedi óńir basshysy 16 myń sharshy metr aýmaq gúlzarmen kómkerilip, bıyl 4 myń sharshy metrge kóbeıtildi.
Q. Aqsaqalov aqparatty tyńdaı kelip, usynylǵan tujyrymdamaǵa birqatar túzetýler engizdi. Negizgi kósheler qamtylǵan, sany da ulǵaıǵan. Munyń bári jurtshylyq úshin jasalatyn aksııa bolǵandyqtan, «Kommýnhoz» mekemesimen qosa kásipkerlerdi de jumyldyrǵan jón, dedi Qumar Irgebaıuly. 1 mamyrdan bastap páter ıeleri kooperatıvteri úıler men aýla aýmaqtaryn abattandyrý qajettigin eske saldy. Turǵyndar úılerin, aýlalaryn jeke qarajat esebinen jóndeýi kerek. Biz jıektastarmen, basqa da materıaldarmen kómektesemiz. О́z qoldarymen jasaǵan dúnıe árdaıym jaqsy bolady jáne uzaq saqtalady. Budan bylaı Naýryz jáne 1 mamyr merekelerin aýlalarda qarsy alýdy dástúrge aınaldyramyz. Osyndaıda adamdar bir-birimen aralasady, qýanyshtaryn bólisedi, tájirıbe almasady. Ony kórip ósken jastardyń boıynda elge, jerge degen otanshyldyq rýh ornyǵady.
Keńeste Qazaqstan Konstıtýsııasy kóshesin qaıta jańǵyrtý máselesi de talqylandy. Atalmysh ýchaskede 24 myń sharshy metr aýmaqtyń órnektasy jańalanady. 32 oryndyq pen 32 qoqyssalǵysh aýystyrylady. Lotos úlgisindegi shyraqshamdar, jańa energııa únemdeý shamdary ornatylady.
Oblys ákimi abattandyrýǵa jergilikti kásiporyndardy tartýdy, baǵanyń qoljetimdiligin nazarda ustaýdy tapsyrdy.
Qaıta jańǵyrtýdan keıin órnektastardy aýystyrý jappaı úrdis alýy kerek. Qalanyń sánin buzyp, sıqyn ketirip turǵan aýmaqtar az emes. Byltyr ǵana aýystyrylǵan keı órnektastardyń jaramsyz bolyp qalǵany – sapanyń tómendiginen. Syrlaý tehnologııasyn da jete meńgergen abzal. Kógaldandyrý men abattandyrýǵa jańasha sıpat berýdiń barlyq múmkindikterin qarastyrýǵa tıispiz, dedi jıyndy qorytyndylaǵan óńir basshysy.
О́mir ESQALI,
«Egemen Qazaqstan»
Soltústik Qazaqstan oblysy
