"Geografııa, dúnıetaný jáne Qazaqstan tarıxy sabaqtaryn keminde eki saǵattan mýzeılerde, joǵary oqý oryndarynyń mýzeıleri men ǵylymı ınstıtýttarynda ótkizýdi josparlap otyrmyz. Árıne, bul is-sharalar tek qana jaǵdaıy bar jerlerde ótkizeledi. Degenmen, Qazaqstannyń mýzeıleri kúzge deıin daıyn bolýy kerek. Sonyń ishinde oqýshylar otyratyn oryndardy daıyndap, mýzeılerdi qajetti texnıkalyq quraldar - proektorlar men ınteraktıvti taqtalarmen qamtasyz etý kerek", dedi mınıstr.
Onyń aıtýynsha, joǵary oqý oryndaryna qarasty zertteý ınstıtýttarynyń mýzeılerin mınıstrlik daıyndaıdy. Al jergilikti ákimdikter mýzeılerge barý aqysyn tóleý mehanızmin daıyndaýy kerek.
Mınıstr bul másele boıynsha JOO mýzeılerimen, oblys ákimdikterimen, mádenıet mınıstrligimen, oblystyq bilim jáne mádenıet basqarmalarymen naqty mehanızmder daıyndalǵanyn aıtty. Sonymen qatar búginnen bastap mádenıet jáne sport mınıstrligimen tıisti keńester ótkiziletin bolady.
