«Údemeli ındýstrıaldy-ınnovasııalyq damý» memlekettik baǵdarlamasy aıasynda 2 kezeńde iske asyrylǵan jobaǵa 675 mln teńge ınvestısııa tartylypty. Birinshi kezeńi boıynsha 2014 jyldyń sońynda 36 adam jumyspen qamtylyp, Qytaıdan ákelingen tehnologııada qysqy aıaq kıim shyǵaryla bastaǵan.
«Bul joba «Bıznestiń jol kartasy – 2020» baǵdarlamasy aıasynda ınfraqurylymmen qamtamasyz etildi. Búgingi tańǵa deıin kásiporynymyz jalpy quny 100 mıllıon teńgeni quraıtyn 270 myń par aıaq kıim óndirdi. Biz negizinen ishki naryqty qamtamasyz etip, ımporttyń ornyn basýǵa tyrysýdamyz», - deıdi «Haıat» JShS-nyń dırektory Ulyqbek Rajapov.
Al, jobanyń 2-shi jelisin iske qosý úshin «Ońtústik» AIO-nan 100 mıllıon teńge bólingen. Bul qarjyǵa Túrkııadan aıaq kıim tigetin jańa qondyrǵy satyp alynypty. Nátıjesinde kásiporynda 50 adam jumyspen qamtylyp, mejelengen 1 mıllıon jup jazǵy jáne qysqy aıaq kıim óndirýge múmkindik týyp otyr.
«Aıaq kıim fabrıkasynyń barlyq ınfraqurylymdyq júıeleri «Bıznestiń jol kartasy» baǵdarlamasy aıasynda iske asyryldy. Sondaı-aq qurylysqa qajetti qarajatty oblysymyzdaǵy ınvetısııalyq qurylymdar berip otyr. Endigi másele – tyńǵylyqty jumys istep, aýdannyń ekonomıkasyna úles qosý. Kásiporyn basshylary eger suranys artsa, fabrıkamyzdy ulǵaıtamyz dep otyr», - deıdi Maqtaaral aýdanynyń ákimi Ǵalym Ismaılov.
Mundaǵy qazirgi suranysqa ıe jazǵy aıaq kıimniń baǵasy – 260-280 teńgeden bosatylyp jatyr. Negizgi naryq - Ońtústik Qazaqstan oblysy men Almaty qalasy. Jazǵy kebisterdiń sapasy da jaman emes. Suranys kún sanap artyp otyr.
