Úkimet otyrysy barysynda Premer-mınıstr Qazaqstan musylmandary dinı basqarmasynyń ókilderimen jaqynda ótken kezdesýde jas býynnyń dinı bilimsizdigine erekshe nazar aýdarǵanyn atap ótti. Onyń aıtýynsha, bul tujyrymdama qoǵamdyq sananyń turaqty jáne úılesimdi damýyna, evolıýsııalyq jańǵyrýyna yqpal etýi kerek.
«Biz dinı salada durys tárbıelik jáne aǵartýshylyq jumystar júrgizýde kúsh-jigerimizdi aıamaýymyz kerek. Halyq danalyǵy: «Allany óz júrekterińizden izdeńizder. Ony odan basqa esh jerden taba almaısyzdar», deıdi. Sondyqtan bizdiń maqsatymyz - árbir adamnyń júregine deıin jetý», - dep atap ótti Saǵyntaev.
Úkimet basshysy Din isteri jáne azamattyq qoǵam mınıstrligine óńirlermen birlesip, rýhanı-adamgershilik tárbıe men qoǵamda radıkaldyq dinı ıdeıalardy taratýǵa jol bermeý jónindegi jumystardy jandandyrý qajettigin aıtty.
