О́zara kelisimge sáıkes, Thomson Reuters Eikon termınalynda AО́QO RA Qazaqstannyń damýy men keleshegine jáne ekonomıka, bank, iri kásiporyndarǵa qatysty saraptamalyq zertteýlerin turaqty túrde ornalastyrady. Embargoed Research bóliminen termınal qoldanýshylary Qazaqstan naryǵy týraly jedel ári senimdi aqparat ala alady. Bul óz kezeginde naryq qatysýshylarynyń respýblıkanyń ekonomıkalyq áleýeti jáne ınvestısııalyq múmkindikteri týraly habardarlyq deńgeıin arttyrady.
Jáne Thomson Reuters Eikon termınalynda jáne AО́QO RA resmı saıtynda jetekshi sarapshylardyń pikirleri men álemdik, óńirlik jáne óndiristik máselelerge qatysty saraptamalyq materıaldar jarııalanady.
«Qazaqstan Thomson Reuters kompanııasy úshin birden-bir basym baǵyt bolyp tabylady. Al "Almaty qalasynyń óńirlik qarjy ortalyǵynyń reıtıng agenttigimen" jasasqan aqparattyq seriktestik týraly kelisimshart kompanııa strategııasynyń mańyzdy bóligi. Biz árqashan óz klıentterimizdiń eń kókeıkesti suraqtaryna der kezinde jaýap beretin tehnologııalar men saraptamalardy qýana-qýana usynamyz. Bizdiń mıssııa – bir alańqaıda keń kólemdi aqparattarǵa qol jetkizýge jaǵdaı týdyrý. Mundaı kelisimder klıentterimizge barynsha elekten ótkizilgen senimdi, qoljetimdi aqparattar usynýǵa múmkindik beredi», - dedi Thomson Reuters kompanııasynyń Reseı men TMD elderindegi basqarýshy dırektory Petr Marchevskıı.
"Almaty qalasynyń óńirlik qarjy ortalyǵynyń reıtıng agenttigi" AQ basqarma tóraıymy Aıgúl Tasbolattyń aıtýynsha, Qazaqstannyń ekonomıkalyq jaǵdaıyn zerttep otyrý óte mańyzdy. Bul óz kezeginde ekonomıkamyzdyń aıqyndyq deńgeıin kóterip qana qoımaı, ınvestorlar úshin ári túsinikti ári boljanǵan aqparattar taraýyna yqpal etedi.
Aınash ESALI,
«Egemen Qazaqstan».
ALMATY
