Mádenı nysandardyń tanymaldylyǵyn arttyrý sharalary týraly baıandama jasaǵan QR bilim jáne ǵylym mınıstri Erlan Saǵadıev mýzeılerge jumys isteýge keletin jáne olardyń jumysyna jańa serpin beretin bilim alýshylar sany bir esege artqanyn aıtty. 2016-2017 oqý jylynda óner mamandyqtary boıynsha bilim alýshylar kontıngenti – 19 myńnan asady, al ótken jyly nebári 2,5 myń adam bitirip shyqqan. О́ner jáne mádenıet mamandyqtary boıynsha kolledjder men tehnıkýmdarda 13 myńǵa jýyq adam oqyp jatyr.
Mádenıet nysandarynyń óziniń tanymaldylyǵyn arttyrý boıynsha mınıstr «Dúnıetaný», «Qazaqstan tarıhy», «Qazaq ádebıeti», «Geografııa»,«Bıologııa», «О́zin-ózi taný», «Kórkem eńbek» tárizdi pánder boıynsha sabaqtardyń taqyryptaryn mýzeıler bazasynda ótkizý josparlanyp otyrǵanyn jetkizdi.
Bul shara bilim sapasyn arttyryp, óskeleń urpaqqa patrıotızm sezimin, otanyna degen súıispenshilikti jáne úlkenderge degen qurmetti sińirýge, mýzeı isin damytýǵa yqpal etýge, sonymen qatar halyqtyń arasynda mýzeıge barý mádenıetin sińirýge múmkindik beredi, dedi vedomstvo basshysy.
QR BǴM basshysy mýzeılerdiń, kitaphanalardyń, sport nysandary men mektepterdegi ǵımarattardyń, orta jáne joǵary bilim oryndarynyń jumysy týraly málimetterdi keltirip ótti.
Otyrys qorytyndysy boıynsha QR Bilim jáne ǵylym mınıstrligine jalpy bilim beretin mektepterdiń oqý prosesine joǵaryda atalǵan pánder boıynsha 2017 jyldyń 1 qyrkúıeginen bastap sabaqtar ótkizýdi qosý týraly hattamalyq tapsyrma berildi.
