Keshe...

...ákim aýyldardy aralady Atyraý oblysynyń ákimi Bergeı Rysqalıev Qurmanǵazy aýda­ny­nyń ortalyǵynan 300 shaqy­rym­daı qashyqtaǵy Azǵyr, Súı­in­dik aýyldaryn aralady. Alys­ta­ǵy bul aýyldarda túıini tar­qa­tylýy qıyn máseleler jeterlik. Sonyń biri – aýdan ortalyǵynan qatynaıtyn joldyń nasharlyǵy. Ásirese, jazda joldy qum, al qysta qalyń qar basyp qalady. Ekinshiden, aýyz sý jaıy da qı­naıdy. Úshinshiden, elektr ener­gııa­syn Reseıden alatyndyqtan, kórshi elge táýeldilik te baı­qa­lady. Tórtinshiden, shalǵaıdaǵy bul aýyldar turǵyndary tabıǵı gaz jelisi tartylǵanyn da qa­laı­dy. Baılanys pen medısınalyq qyzmet sapasynyń jaqsarǵany tur­ǵyndar úshin asa mańyz­dy­ly­ǵyn joımaıdy. Shalǵaı aýyldardaǵy turǵyn­dar­dy mazalaǵan osyndaı máse­le­lerge baılanysty oblys ákimi B.Rysqalıev qajetti sharalardyń alynatynyn jetkizdi. Onyń aı­tý­ynsha, bıyl Azǵyr óńirine qa­tynaıtyn joldy qum, qar basý sekildi kederginiń aldyn alýǵa 20 mıllıon teńge bólinip otyr. Jol tazalaıtyn arnaýly tehnıka da bólinbek. Telefon baılanysyn jaq­sartý maqsatynda talshyqty jeli tartýǵa qarjy qarasty­ryl­maq. Sondaı-aq syrqattanǵan tur­ǵyndardardy aýdan, oblys or­talyqtaryndaǵy emdeý oryn­da­ry­na shuǵyl jetkizýge sanıtar­lyq avıasııany paıdalanýdy tıisti sala basshylaryna tapsyrdy. Joldasbek ShО́PEǴUL, Atyraý oblysy. ...belgili qalamgerge kóshe aty berildi Belgili qalamger, qoǵam qaı­rat­keri Kamal Smaıylovtyń esimi men eńbek joly, ásirese Jez­qaz­ǵan óńiri jurtshylyǵyna asa ystyq. Ulytaý aýdanyndaǵy Sar­lyq aýyly túleginiń halqy­myz­dyń asyl perzentiniń biri ekendigin maqtanysh tutady. El úshin úlken eńbek sińirgen iri qalamgerdiń ári qaıratkerdiń esimi budan bylaı Jezqazǵan qalasy kórikti kósheleriniń birinde jarqyrap turatyn boldy. Bul jezqazǵandyqtar men ulytaýlyq­tardyń tilegi edi. Aıqyn NESIPBAI, Jezqazǵan. ...jyljymaly emhana aýylǵa keldi Bul Baıanaýyl, Aqtoǵaı, Maı, Ertis, Lebıaji aýdandarynyń shal­ǵaı­daǵy aýyldarynda turatyn eki kúnniń birinde oblys orta­ly­ǵyna kelip dárigerlerge qarala al­maıtyn turǵyndar úshin ob­lys­tyq densaýlyq saqtaý bas­qar­masy tarapynan jasalǵan tıimdi kómek bolyp otyr. О́tken jyly dárigerler ob­lys­tyń barlyq aýdandaryn aralap, 10 myńnan astam aýyl adam­da­ryn qarap, aýyryp júrgen 2,3 myń turǵyndy anyqtaǵan edi. Iаǵnı, jyljymaly emhananyń flıý­­o­rografııalyq, stomato­lo­gııa­­lyq qurylǵylary bar arnaıy kesheni arqyly aýyldardyń 27 myńǵa jýyq turǵyny tekseristen ótkizilip, emdeldi. Al bıylǵy jyl­dyń sáýir aıynan bastap mam­mografııalyq keshen de aýyl­dar­dy aralap, áıelder densaýly­ǵyn nazarǵa alýda. Osyndaı qu­rylǵylary bar jyljymaly em­ha­nalyq keshen Lebıaji aýdany­nyń aýyldaryn aralady. Dári­ger­ler aýyl turǵyndaryna bir kún ǵana emes, aldaǵy ýaqytta da osylaı kelip-ketip turatyn bolady. Farıda BYQAI, Pavlodar oblysy.