Sýdıa irikteý – mańyzdy mindet

Keshe Joǵary Sot keńesiniń kezekti otyrysy boldy. Onyń jumysyna tór­aǵalyq etken Ońalsyn Jumabekov Keńes­tiń quramy jańarǵandyǵyn aıtty. Bul ózgerister Memleket basshysynyń ústimiz­degi jyldyń 6 mamyryndaǵy Jarlyǵyna baılanysty týyndady. Elbasynyń atalǵan Jarlyǵyna oraı Keńestiń quramyna Joǵarǵy Sottyń Tóraǵasy B.Beknazarov jáne Bas Prokýror A.Daýylbaev engizildi. Al Keńestiń qura­mynan  Joǵarǵy Sottyń sýdıalary Á.Qu­ryqbaev, L.Poltorabatko jáne Joǵar­ǵy Sottyń otstavkadaǵy sýdıasy S.Raıym­baev shyǵaryldy. Olardyń ornyn Ǵ.Aq­qýova men A.Lınnık jáne D.Nuralın basty. Otyrysty ashqan O.Jumabekov sýdıa­lardy irikteý máselesine toqtalyp ótti. Ol buqaralyq aqparat quraldarynyń betterinde keıbireýlerdiń jergilikti sýdıa­lar­dyń laýa­zymdy bos oryndaryna júr­gizi­letin kon­kýrs­ta bir orynǵa bes júz adamnan keledi  degen jáne basqa da shyndyqqa sáıkespeıtin bol­jam­dary aıtylýda dedi. Mundaı pikirler negizsiz kórinedi. О́ıtkeni, sońǵy eki jyl boıyna kandıdattardyń sýdıalyq bos oryn­darǵa konkýrs buqara­lyq aqparat qural­darynda únemi jarııa­la­nyp keledi. Buǵan qosa saıttarda úmit­ker­lerdiń de tizimi berilip turady. Jalpy, konkýrs boıynsha to­lyq­­qan­dy aqparatty tıisti saıttardan alýǵa bola­dy. Sotqa kadrlar irikteý isimen Joǵary Sot keńesi aınalysady. Olar konkýrsqa túsken úmit­kerlerdiń qujattaryn qarap, tekseredi. Osyǵan oraı Joǵary Sot keńesi olardyń tizimin jarııalap, bolashaq sýdıa­lar­ǵa qatysty ózgelerdiń pikirlerin de biledi. Qansha úmit­ker konkýrsqa tússe olardyń barly­ǵynyń aty-jónderi Joǵary sot keńesi, sot saıtyn­da ashyq jarııalanady. Iаǵnı kez kelgen azamat onymen tanysyp, saıtta úmit­kerge qa­tysty óz pikirin qal­dyra alady. Osydan keıin jurttyń da pikiri sarapta­lynyp, úmit­kerdiń ári qaraı konkýrsqa jiberilý-jiberilmeý máselesi sheshiledi. Bul Keńes jumysynyń ashyqtyǵyn bildiredi. Sýdıalyqqa úmitkerler ábden zerdelenip, saralanyp baryp irikteledi, olar­dyń bilimderi, adamgershilik qasıetteri, ómirlik tájirıbeleri muqııat zerttelinedi. Olar týraly árbir derek árqashanda na­zarǵa alynady. Máselen, búgingi konkýrs­ty ótkizýge daıarlyq barysynda barlyq oblystardan konkýrsqa ótinish bergen úmitkerlerge baılanysty túrli málimetter kelip tústi, dedi O.Jumabekov. Jalpy, Keńes elimizdiń jergilikti jáne basqa sottary sýdıalarynyń 34 bos qyz­met oryndaryna konkýrs ótkizgen eken. Olardyń ishinde  22 aýdandyq jáne oǵan teńestirilgen sottar, sonymen qatar 12 oblystyq jáne oǵan teńestirilgen sottar bar. Sonda konkýrsqa barlyǵy 344 úmitker qatyssa, onyń ishinde 312 úmitker aýdan­dyq sottar sýdıalary bos qyzmet oryn­daryna baqtaryn synap kórgen. Munda bir orynǵa  14 adamnan kelgen. Al oblystyq sottar sýdıalarynyń bos qyzmet oryn­dary­na 32 kandıdat qatysyp, bir orynǵa 2,6 adamnan kelgen kórinedi. Keńes otyrysynda Joǵarǵy Sottyń Tóraǵasy sýdıalyq qyzmetterge kadr rezervimen jumystyń jaı-kúıi, sýdıaǵa kan­dı­dattardyń oblystyq jáne aýdandyq sot­tarda taǵylymdamadan ótýi, sýdıa qyz­metinde bolýdyń shekti jasyn kózdeıtin «Qazaqstan Respýblıkasynyń sot júıesi men sýdıalarynyń mártebesi týraly» Kons­tıtýsııalyq Zańynyń 34-1-babyn qol­daný tájirıbesi týraly jáne basqa da máselelerdi ortaǵa saldy. Joǵarǵy Sot Tóraǵasynyń keıbir jergilikti jáne basqa da sot tóraǵalaryn, alqa tóraǵalary men sýdıalardy qyzmetke  ta­ǵa­ıyndaý men qyzmetten bosatý týraly usy­nymdary qarastyryldy. Naqty aıt­qan­da, sýdıalardyń birqatary qoıylatyn talap­tarǵa sáıkes kelmeýine baılanysty olardy birden qyzmetten bosatý týraly Memleket basshysyna usynymdar qabyl­daý qaraldy. Keńes janyndaǵy biliktilik jónindegi komıssııanyń quramyna ózgerister engizý týraly másele kelesi otyrysqa qaldy­ryl­dy. Joǵarǵy Sottyń janyndaǵy sottar­dyń qyzmetin qamtamasyz etý depar­ta­mentiniń Joǵarǵy Sot apparaty basshylyq qyzmetine B.Jumaǵulovty taǵa­ıyndaý týra­ly Joǵarǵy Sot Tóraǵasynyń usy­nysy qabyldandy. Bul Joǵarǵy Sot­taǵy jańa basshylyq kelgeli beri alǵashqy úlken kadrlyq ózgeristiń biri bolyp tabylady. Sóıtip, otyrys qorytyndysy boıynsha Joǵarǵy Sot keńesiniń ózge de mańyzdy tıisti sheshimderi qabyldanyp, qajetti usynymdar berildi. Aleksandr TASBOLATOV.