Belarýstik áriptesimen júzdesti

Keshe Qazaqstan Respýblıkasynyń Syrtqy ister mınıstri Erjan Qazyhanov Belarýs Respýblıkasynyń Prezıdenti Aleksandr Lýkashenkonyń Qazaqstanǵa resmı sapary aıasynda belarýstyq áriptesi Sergeı Martynovpen kezdesti, dep habarlady QR SIM-iniń baspasóz qyzmeti. Kezdesý barysynda taraptar saıası únqatysýdy nyǵaıtý men saýda-ekonomıkalyq saladaǵy yn­­­tymaqtastyqtyń aldaǵy damý bo­lashaǵyn qarastyryp, Qazaq­stan men Belarýs memleket jáne úki­met basshylary bergen tap­syr­malardy tıimdi júzege asyrý­dy qam­tamasyz etý jaıyn tal­qy­la­dy. Dıplomattar ýaǵdalastyq­tar­­ǵa belgilengen merzimge deıin qol jetkizý mańyzdylyǵyn atap ótti. Birlestikter sheńberindegi óz­ara yntymaqtastyqtyń ózekti má­selelerin talqyǵa sala oty­ryp, taraptar Ujymdyq qaýip­siz­dik týraly shart uıymy jáne TMD sheńberindegi ózara qaty­nastardy ilgeri damytý boıynsha pikir almasty. Sonymen qatar, TMD-nyń 20 jyldyǵyna arnal­ǵan is-sharalardyń mańyzyn erek­she atady. О́zara ekonomıkalyq yqpal­das­tyq máselelerin talqylaý barysynda Kedendik odaqtyń qyzmet jasaýy eki tarapty da qanaǵattandyryp otyrǵandyǵy aı­tyldy. Birtutas ekonomıkalyq keńistik jáne Eýrazııalyq ekono­mıkalyq odaq qurý jónindegi josparlar Qazaqstan-Belarýs qa­rym-qatynasynyń strategııa­lyq jáne uzaq merzimdi sıpatqa ıe ekendigin taǵy da qýattaǵany atap kórsetildi.