Sport – sana qalyptastyratyn sala

Týrızm jáne sport mınıstrliginde Dúnıejúzi qazaqtary qu­ryl­taıynyń aıasynda sheteldegi qandas­tary­myzben kezdesý ótti. Kezdesýde Týrızm ındýs­trııa­sy komıtetiniń tór­aıy­my Qar­ly­ǵash Káken men Sport isteri jónindegi komı­te­t tóraǵasy Elsııar Qanaǵatov bu­qa­ralyq sport­ty da­mytý, elimizge týrısterdi kóptep tartýda istelip jatqan jumystar men aldaǵy josparlar týraly málimet berdi. Sodan keıin Ulybrıtanııa­da­ǵy qazaq qoǵamynyń basshysy Kes­sıjı Ismaıl sóz aldy. Ol qu­ryl­taıdyń barlyq dú­nıe júzi qazaqtaryn bir maq­satqa jeteleý úshin biriktiretin úlken kúsh ekenin aıtyp, solardyń biri fýtboldan uıymdastyrylatyn ja­rys ekenin tilge tıek etti. Son­dyqtan ol Eýropa qazaq­tary­nyń arasy­nan shyqqan talantty jastar Qa­zaqstannyń ishki chem­pıo­nattary­na, jarystaryna qa­tys­tyrý úshin tańdap alynsa, olar bolashaqta ulttyq quramada óner kórsetse degen tilegin jetkizdi. Kezdesýde ekinshi bolyp sóz alǵan Qytaıdan kelgen qanda­symyz Haıza Tábárikqyzy qazir eki el arasynda barys-kelistiń jyl saıyn qıyndap bara jat­qanyna, Altaıdyń arǵy jaǵyn­daǵy aǵaıyndardyń atamekenge kelý nıeti zor ekenine, osy kún­deri vıza alý máselesi aılar boıy saǵyzsha sozylyp, sheshilmeıtin máselege aınalyp otyrǵa­nyna ókinishin bildirdi. Ol Qy­taıdan atamekenge kelemin dep býynyp-túıinip otyrǵan qan­dastarymyz­dy Qazaqstanǵa ákelý úshin basqa da joldardy qaras­tyrý kerektigin aıtty. Qa­zaqstannyń týrıstik fırma­lary Qytaıdaǵy qandastarymyzǵa je­ńil­dikpen 10-15 kúnge sapar ja­saıtyn joldamalar berse degen tilegin jetkizdi. Sonda Qazaq­stan­ǵa kelgen qandastarymyz osy ýaqyt ishinde aldaǵy kezde atamekenge kelemin be, kelmeımin be degen máse­lelerin sheship alýǵa da múmkindik alar edi. Kelesi kezekte sóz alǵan  Omby oblysynyń «Móldir» má­de­nı ortalyǵynyń jetekshisi Al­tynaı Júnisova mınıstrlikke óz usynysyn kóldeneń tart­ty. Ol áýeli Reseıde qazaq­tar­dan quryl­ǵan «Namys» koman­dasyna Qazaq­stan­nyń ishki jarystaryna qa­tys­tyrý múmkin­digi berilse, osy kúzde Qajy­mu­qannyń 140 jyl to­lýyna oraı Ombyda qazaq kúre­sinen halyqara­lyq týrnır ótse degen tilegin bildirdi. Shettegi qandastarymyz tildi saqtaý, salt-dástúrdi dáripteý sııaqty máseleler  ózderin qalaı tolǵandyrsa, adamnyń ulttyq sana-sezimin qalyptastyratyn sa­la­lardyń biri týrızm jáne sport salasynda da shetel qazaqtaryn alań­datyp, mazalaıtyn proble­ma­lardyń bar ekenin ja­syr­mady. Kezdesý sońynda Týrızm jáne sport mınıstrliginiń ókilderi olar­dyń barlyq usynystary qaras­tyrylatynyna  sendirdi. Dastan KENJALIN.