Kóp aıtylǵan nárse – vıza

Eńbek jáne halyqty áleýmettik qorǵaý mınıstrliginde «Repatrıanttardy áleýmettik qoldaý: tájirıbe, sabaq jáne máseleler» degen taqyrypta dóńgelek ústel ótti. Eńbek jáne halyqty áleýmet­tik qorǵaý vıse-mınıstri Birjan Nurymbetov atajurttaǵy alqaly jıynǵa qatysýshy delegattarǵa aldymen mınıstrlik jumysyn tanystyryp ótti. Budan keıin ol byltyrǵy jyl­dyń qazan aıyna deıin kóshi-qon máselesimen bizdiń mınıstrlik aınalysqan bolsa, endi ol Ishki ister mınıstrliginiń quzyre­ti­ne aýysty. Alaıda, áýelde ózi­miz qolǵa alǵandyqtan, elimizdiń «Kó­shi-qon týraly» zańynyń jo­basy boıynsha jumystardy ıeligimizden shyǵarǵan joqpyz. Qazir ol Parlamentte qaralýda deı kelip, atalǵan zań jobasyndaǵy óz­geristerdi sholyp ótti. Atap aıt­qanda,  jańa joba boıynsha eger oralman eldiń soltústigine kelip qonystanamyn dese, onda ol oń­tús­tikke qaraǵanda eki jarym ese­deı kóbirek qarajat almaq. Al ortalyqqa kelýshiler ońtústikte­gi­lerden 70 paıyzǵa kóbirek ala­tyn bolady. О́ıtkeni, oralmandar kóbine qysy jaıly ońtústik óńir­lerge kelýge peıildi, al biz­diń jerimiz bolsa ulan-baıtaq, sondyqtan qazaǵy azyraq sol­tús­tikti shetten kelgen baýyrlary­myz qutty meken etse, el irgesi bekip, yrysymyz molaıa túspek degen ol  zań jobasyndaǵy taǵy bir jaqsy jańalyqty jarııa­la­ǵan. Iаǵnı, vıse-mınıstrdiń aı­tý­yn­sha, endi shettegi baýyrlar qu­jattaryn bizdiń elshilikter arqy­ly ótkize alatyn bolypty. Bar­lyq rásimder ótkizilip bolǵannan keıin, shaqyrtý alǵan oralman­nyń burynǵydaı kútýge ketetin ýa­qyty azaıady, biz sol jaǵdaı­lar­dy da zańmen retteýdi oılas­tyr­dyq degen aqparat shetten kel­gen týystardyń kóńilderine jaqqandaı. Sondaı-aq ol biz sizderdiń barlyq  saýaldary­ńyz­ǵa jaýap berýge ázirmiz, mı­nıstr­liktiń barlyq jaýapty adamdary osynda otyr. Pi­kirlerińiz osyn­da, aıtylǵan jerinde qalyp qoı­maı­tyna, onyń dittegen jerine jetetinine ýáde beremin, qysyl­maı erkin áń­gimeleseıik dep qu­ryl­taı de­legattaryn ashyq áńgi­mege sha­qyrdy. Sóıtip, bul jıynda oralman­dar­dyń úı-jaımen qamtamasyz etilýi, mamandyqtary boıynsha jumysqa ornalasa almaý jaǵdaı­lary, orys tilin bilmeýine baıla­nys­ty kedergilerge kezdesýi syn­dy burynnan aıtylyp júrgen máselelermen qatar, kóptegen usy­nystar da ortaǵa salyndy. Má­selen, Irannan kelgen aǵaıyn óziniń tehnıkýmda sabaq berýmen birge qus fermasy barlyǵyn, al elge kelip, kásipkerlikpen aına­lysýǵa qorqa soǵatynyn alǵa tartty. Mysaly, shet elde nesıe alyp, kásiporyn ashqan adamǵa 5 jylǵa deıin tólem qaıtary­lýdyń shegeriletinin aıtqan ol elge oralsaq osyndaı jeńil­dik­ter berile me degen saýal tastasa, Avstralııadan kelgen týys: «Biz alysta eldi ańsap júremiz. Biraq bizge elge kelip-ketý qıynǵa soǵady. О́ıtkeni, aldymyzdan vıza máselesi shyǵady. Nege ulty qazaq azamat elge kelýge qınala­dy? Osy máseleni jeńildetýge bolmaı ma dep osyndaǵy biraz jurt­tyń kókeıindegi suraqty alǵa tartty. Dóńgelek ústelge qatysý­shy­lar áńgime sońynda birneshe tar­maqtan turatyn usynym qa­byl­dady. Anar TО́LEÝHANQYZY.