Qazaqstan Respýblıkasy Úkimetiniń qaýlysy № 443

2011 jylǵy 25 sáýir              № 443          Astana, Úkimet Úıi Qazaqstan Respýblıkasynyń azamattyq avıasııasy uıymdarynyń avıasııalyq qaýipsizdik qyzmetiniń basshylary men mamandary laýazymdarynyń tizbesin, sondaı-aq osyndaı laýazymdarǵa qoıylatyn biliktilik talaptaryn bekitý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń 2010 jylǵy 15 shildedegi Zańynyń 13-babynyń 46) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan: 1) Qazaqstan Respýblıkasynyń azamattyq avıasııasy uıymdarynyń avıasııalyq qaýipsizdik qyzmetiniń basshylary men mamandary laýazymdarynyń tizbesi; 2) Qazaqstan Respýblıkasynyń azamattyq avıasııasy uıymdarynyń avıasııalyq qaýipsizdik qyzmetiniń basshylary men mamandaryna qoıylatyn biliktilik talaptary bekitilsin. 2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri      K.MÁSIMOV. Qazaqstan Respýblıkasy Úkimetiniń  2011 jylǵy 25 sáýirdegi  № 443 qaýlysymen bekitilgen Qazaqstan Respýblıkasynyń azamattyq avıasııasy uıymdarynyń avıasııalyq qaýipsizdik qyzmetiniń basshylary men mamandary laýazymdarynyń tizbesi 1. Avıasııalyq qaýipsizdik qyzmetiniń basshysy. 2. Avıasııalyq qaýipsizdik qyzmeti basshy­synyń orynbasary. 3. Avıasııalyq qaýipsizdik qyzmetiniń qarap tekserý bólimshesi. 1) qarap tekserý bólimshesiniń bastyǵy; 2) qarap tekserý bólimshesi bastyǵynyń orynbasary; 3) qarap tekserý bólimshesiniń aýysym bastyǵy; 4) qarap tekserý bólimshesiniń ınspektory; 5) tehnıkalyq jabdyqtaý jáne qaýipsizdik quraldary jónindegi ınspektor. 4. Avıasııalyq qaýipsizdik qyzmetiniń qaýip­sizdik bólimshesi: 1) qaýipsizdik bólimshesiniń bastyǵy; 2) qaýipsizdik bólimshesi bastyǵynyń oryn­basary; 3) qaýipsizdik bólimshesiniń aýysym bastyǵy; 4) qaýipsizdik bólimshesiniń ınspektory; 5) qyzmettik ıtterdiń ınspektor-vojatyıy (patrýldik-izdeý ıtiniń jetekshisi); 6) baqylaý jáne beınebaqylaý pýnktiniń ınspektory. 5. Avıasııalyq qaýipsizdik qyzmetiniń ruqsat­tama bıýrosy: 1) ruqsattama bıýrosynyń bastyǵy; 2) ruqsattama bıýrosynyń ınspektory. 6. Avıasııalyq qaýipsizdik qyzmetiniń ákim­shilik bólimshesi: 1) ákimshilik bólimshesiniń bastyǵy; 2) ákimshilik bólimshesiniń ınspektory. 7. Oqytý jónindegi nusqaýshy-úılestirýshi. 8. Sapany baqylaý aýdıtory. 9. Avıasııalyq qaýipsizdik jónindegi jaýapty tulǵa. Qazaqstan Respýblıkasy  Úkimetiniń  2011 jylǵy 25 sáýirdegi № 443 qaýlysymen  bekitilgen Qazaqstan Respýblıkasynyń azamattyq avıasııasy uıymdarynyń avıasııalyq qaýipsizdik qyzmetiniń basshylary men mamandarynyń laýazymdaryna qoıylatyn biliktilik talaptary 1. Avıasııalyq qaýipsizdik qyzmetiniń basshysyna qoıylatyn biliktilik talaptary: 1) Qazaqstan Respýblıkasynyń azamattyǵy; 2) ulttyq qaýipsizdik organdarymen kelisim. Qazaqstan Respýblıkasynyń Prezıdentin jáne ózge de qorǵalatyn tulǵalardy tasymaldaýdy júzege asyratyn avıakompanııalardyń avıasııa­lyq qaýipsizdik qyzmetiniń basshylary Qazaq­stan Respýblıkasy Prezıdentiniń Kúzet qyzme­tiniń kelisimi boıynsha taǵaıyndalady. 3) joǵary bilim («Bilim týraly» QR Zańynyń 39-babyna sáıkes qujattarmen rastalady); 4) jasy keminde 25 jasta; 5) jedel-izdestirý qyzmetin júzege asyrýmen baılanysty memlekettik organdarda keminde 5 jyl qyzmet ótili nemese avıasııa personaly retinde keminde 5 jyl jumys ótili nemese avıa­sııalyq qaýipsizdik qyzmetiniń mamany retinde keminde 3 jyl jumys ótili nemese Azamattyq avıasııanyń halyqaralyq uıymynda (budan ári – IKAO) tirkelgen azamattyq avıasııanyń jo­ǵary oqý oryndarynda «Áýe kóligimen tasy­maldaý kezinde avıasııalyq qaýipsizdikti uıym­dastyrý» mamandyǵy boıynsha oqý nysanyn (kúndizgi nemese syrttaı) bitirgennen keıin avıasııalyq qaýipsizdik qyzmetiniń mamany retinde keminde 2 jyl jumys ótili («Bilim týraly» QR Zańynyń 39-babyna jáne Qazaqstan Respýblıkasy Eńbek Kodeksiniń 34-babyna sáıkes qujat túrinde rastalady); 6) IKAO-da tirkelgen azamattyq avıasııanyń oqý orny beretin avıasııalyq qaýipsizdik qyzmetiniń basshysy kýrsyn bitirgeni týraly sertıfıkat; 7) zańda belgilengen tártippen ótelmegen nemese alynbaǵan sottylyqtyń bolmaýy. 2. Avıasııalyq qaýipsizdik qyzmeti basshy­synyń orynbasaryna qoıylatyn biliktilik talaptary: 1) Qazaqstan Respýblıkasynyń azamattyǵy; 2) joǵary bilim («Bilim týraly» QR Zańynyń 39-babyna sáıkes qujattarmen rastalady); 3) jasy keminde 25-jasta; 4) jedel-izdestirý qyzmetin júzege asyrýmen baılanysty memlekettik organdarda keminde 5 jyl qyzmet ótili nemese avıasııa personaly retinde keminde 5 jyl jumys ótili nemese avıa­sııa­lyq qaýipsizdik qyzmetiniń mamany retinde keminde 3 jyl jumys ótili nemese Azamattyq avıasııanyń halyqaralyq uıymynda (budan ári – IKAO) tirkelgen azamattyq avıasııanyń joǵary oqý oryndarynda «Áýe kóligimen tasy­maldaý kezinde avıasııalyq qaýipsizdikti uıym­dastyrý» mamandyǵy boıynsha oqý nysanyn (kúndizgi nemese syrttaı) bitirgennen keıin avıasııalyq qaýipsizdik qyzmetiniń mamany retinde keminde 2 jyl jumys ótili («Bilim týra­ly» QR Zańynyń 39-babyna jáne Qazaqstan Respýblıkasy Eńbek kodeksiniń 34-babyna sáı­kes qujat túrinde rastalady); 5) IKAO-da tirkelgen azamattyq avıasııanyń oqý orny beretin avıasııalyq qaýipsizdik qyz­metiniń basshysy kýrsyn bitirgeni týraly sertıfıkat; 6) zańda belgilengen tártippen ótelmegen nemese alynbaǵan sottylyqtyń bolmaýy. 3. Avıasııalyq qaýipsizdik qyzmetiniń qarap tekserý bólimshesiniń bastyǵyna, avıasııalyq qaýipsizdik qyzmetiniń qarap tekserý bólimshesi bastyǵynyń orynbasaryna, avıasııalyq qaýip­siz­dik qyzmetiniń qaýipsizdik bólimshesiniń bas­tyǵyna, avıasııalyq qaýipsizdik qyzmetiniń qaýip­sizdik bólimshesi bastyǵynyń orynba­sa­ryna, avıasııalyq qaýipsizdik qyzmetiniń ákim­shilik bólimshesiniń bastyǵyna, avıasııalyq qaýipsizdik qyzmetiniń ruqsattama bıýrosynyń bastyǵyna, avıasııalyq qaýipsizdik qyzmetiniń tehnıkalyq jabdyqtaý jáne qaýipsizdik qural­dary jónindegi ınspektoryna qoıylatyn biliktilik talaptary: 1) Qazaqstan Respýblıkasynyń azamattyǵy; 2) joǵary (tehnıkalyq, zań) nemese orta (tehnıkalyq jáne kásibı) bilim («Bilim týraly» QR Zańynyń 39-babyna sáıkes qujat túrinde rastalady); 3) avıasııa personaly retinde keminde 2 jyl jumys ótili nemese avıasııalyq qaýipsizdik qyzmetiniń mamany retinde keminde 1 jyl ju­mys ótili nemese IKAO-da tirkelgen azamat­tyq avıasııanyń joǵary oqý oryndaryn «Áýe kóligimen tasymaldaý kezinde avıasııalyq qaýip­sizdikti uıymdastyrý» mamandyǵy boıyn­sha oqý nysanyn (kúndizgi nemese syrttaı) bitirgennen keıin avıasııalyq qaýipsizdik salasynda keminde 1 jyl jumys ótili («Bilim týraly» QR Zańynyń 39-babyna jáne Qazaqstan Respýblıkasy Eńbek kodeksiniń 34-babyna sáıkes qujat túrinde rastalady); 4) IKAO-da tirkelgen azamattyq avıasııanyń oqý orny beretin avıasııalyq qaýipsizdik boıyn­sha kýrsty bitirgeni týraly sertıfıkat; 5) zańda belgilengen tártippen ótelmegen nemese alynbaǵan sottylyqtyń bolmaýy. 4. Qyzmettik ıtterdiń ınspektor-vojatyıyna (patrýldik-izdeý ıtiniń jetekshisine) qoıylatyn biliktilik talaptary: 1) Qazaqstan Respýblıkasynyń azamattyǵy; 2) negizgi orta, orta nemese joǵary bilim; 3) kınolog kýrstarynda oqyǵandyǵyn rastaıtyn qujat; 4) jasy keminde 20 jasta; 5) IKAO-da tirkelgen azamattyq avıasııanyń oqý orny beretin avıasııalyq qaýipsizdik boıyn­sha kýrsty bitirgeni týraly sertıfıkat; 6) zańda belgilengen tártippen ótelmegen nemese alynbaǵan sottylyqtyń bolmaýy. 5. Qarap tekserý bólimshesiniń aýysym basty­ǵyna, qaýipsizdik bólimshesiniń aýysym basty­ǵyna, qaýipsizdik bólimshesiniń aýysym bastyǵy­na, qarap tekserý bólimshesiniń ınspektory men qaýipsizdik bólimshesi ınspektoryna, baqylaý jáne beınebaqylaý pýnktiniń ınspektoryna, ruqsattama bıýrosynyń ınspektoryna, ákimshilik bólimshesiniń ınspektoryna qoıylatyn biliktilik talaptary: 1) Qazaqstan Respýblıkasynyń azamattyǵy; 2) negizgi orta, orta nemese joǵary bilim («Bilim týraly» QR Zańynyń 39-babyna sáıkes qujat túrinde rastalady); 3) jasy keminde 20 jasta; 4) IKAO-da tirkelgen azamattyq avıasııanyń oqý orny beretin avıasııalyq qaýipsizdik boıynsha kýrsty bitirgeni týraly sertıfıkat; 5) zańda belgilengen tártippen ótelmegen nemese alynbaǵan sottylyqtyń bolmaýy. 6. Oqytý jónindegi nusqaýshy-úılestirýshige, sapany baqylaý aýdıtoryna qoıylatyn talaptar: 1) Qazaqstan Respýblıkasynyń azamattyǵy; 2) joǵary nemese orta (tehnıkalyq jáne kásibı) bilim («Bilim týraly» QR Zańynyń 39 babyna sáıkes qujat túrinde rastalady); 3) avıasııalyq qaýipsizdik qyzmetiniń mamany retinde keminde 3 jyl jumys ótili; 4) jasy keminde 25 jasta; 5) IKAO oqý ortalyqtary beretin avıasııa­lyq qaýipsizdik boıynsha kýrsty bitirgeni týraly sertıfıkat; 6) zańda belgilengen tártippen ótelmegen nemese alynbaǵan sottylyqtyń bolmaýy. 7. Avıasııalyq qaýipsizdik jónindegi jaýapty tulǵaǵa qoıylatyn talaptar: 1) Qazaqstan Respýblıkasynyń azamattyǵy; 2) ulttyq qaýipsizdik organdarymen kelisim; 3) joǵary nemese orta (tehnıkalyq jáne kásibı) bilim («Bilim týraly» Qazaqstan Respýb­lıkasy Zańynyń 39-babyna sáıkes qujat túrinde rastalady);        4) avıasııalyq qaýipsizdik qyzmetiniń mamany retinde keminde 3 jyl jumys ótili nemese avıasııa personaly retinde keminde 5 jyl jumys ótili nemese IKAO-da tirkelgen azamattyq avıasııasynyń joǵary oqý oryndarynda «Áýe kóligimen tasymaldaý kezinde avıasııalyq qaýip­sizdikti uıymdastyrý» mamandyǵy boıynsha oqý nysanyn (kúndizgi nemese syrttaı) bitirgennen keıin avıasııalyq qaýipsizdik qyzmetiniń mamany retinde keminde 1 jyl jumys ótili («Bilim týra­ly» QR Zańynyń 39-babyna jáne Qazaqstan Res­pýblıkasy Eńbek Kodeksiniń 34-babyna sáıkes qujat túrinde rastalady); 5) IKAO-da tirkelgen azamattyq avıasııanyń oqý orny beretin avıasııalyq qaýipsizdik boıyn­sha kýrsty bitirgeni týraly sertıfıkat; 6) zańda belgilengen tártippen ótelmegen nemese alynbaǵan sottylyqtyń bolmaýy. 8. Avıasııalyq qaýipsizdik qyzmetiniń basshy­laryn, azamattyq avıasııa uıymynyń avıasııa­lyq qaýipsizdigi boıynsha jaýapty adamdardy taǵaıyndaý úshin jumys ótilin jáne buryn uıymdarda (mınıstrlikter men vedomstvolarda) atqarǵan qyzmetterin kórsete otyryp, usynym­dy resimdeıdi jáne ulttyq qaýipsizdik organda­ryna, Qazaqstan Respýblıkasy Prezıdentiniń Kúzet qyzmetine kelisýge jiberedi. Mynadaı qujattar talap etiledi: 1) usynym; 2) jeke basyn kýálandyratyn qujattyń kóshirmesi; 3) IKAO-da tirkelgen azamattyq avıasııanyń oqý orny beretin sertıfıkattyń kóshirmesi («Áýe kóligimen tasymaldaý kezinde avıasııalyq qaýipsizdigikti uıymdastyrý» mamandyǵy boıynsha IKAO-da tirkelgen azamattyq avıasııanyń joǵary oqý oryndarynyń túlekteri úshin dıplomdy alǵan kúnnen bastap úsh jyl ishinde sertıfıkatty usyný talap etilmeıdi); 4) oqý ornyn bitirgeni týraly dıplomnyń (kýáliktiń) kóshirmesi; 5) jumys ótilin rastaıtyn qujat; 6) 4 h 5 sm ólshemdegi 3 fotosýret (bas kıimsiz).