Maqsat – tuǵyrly turaqtylyq

Elimizde Táýelsizdiktiń aq tańy atýymen qatarlasa Mań­ǵystaýda «Halyq birligi» qoǵamdyq birlestigi ómirge kelgen-di. Aımaq adamdaryn dostyq pen birlikke, baýyrlastyqqa baýlyp otyrǵan ortalyqtyń ókilderi birlestiktiń úıinde sol jyldary Elbasynyń ózi bolyp aq jol tilep, qoldaý kórsetkenin de maqtan etedi. Sol birlestiktiń búgingi tańdaǵy tynysy jaıly onyń tóraǵasy, Qazaqstan halqy Assambleıasynyń múshesi Iýsýp ShAHShAEVTAN suraǵan bolatynbyz.     Elbasy, Qazaqstan halqy As­sam­bleıasynyń Tóraǵasy Nursul­tan Nazarbaev «Táýelsiz Qazaq­stan – bizdiń eń qymbat, eń asyl qundylyǵymyz» dep jıi aıtady. Bul qundylyq – keń-baıtaq elimizdi mekendeıtin ulttar men ulys­tardyń birligi nátıjesinde berekeli beıbit memleket bolýy­myz­dyń, Qazaqstan halqynyń top­tas­qan­dyǵynyń, tereń tamyr­ly dosty­ǵy­nyń, patrıotızmniń ar­qasynda qol jetip otyrǵan qun­dylyq ekeni daý­syz. Jáne de osy bir asyl qundyly­ǵymyzdy kózdiń qarashyǵyndaı saq­tap, qadir-qa­sıetin tereń túsiný bar­shamyzdyń azamattyq paryzymyz eken­digin zerdeleı túsýdiń mańyzy zor. Onyń osy deńgeıde zerdelenip kele jatqany da ras. Túsinistiktiń elimizdegi bılik pen Qazaq­stan­daǵy etnosaralyq jáne konfes­sııa­aralyq qatynastar salasynda qalyptasýy qazirgi álemdik órke­nıet tarıhynda da erekshe ma­ńyzǵa ıe. Olaı deıtinimiz – Qazaq­stan halqy Assambleıasy tole­rant­tylyqty, azamattyq qoǵam­dy nyǵaıtyp jetildirýdegi memlekettik saıasat pen qoǵamdyq birlestikter qyzmetin el múddesi úshin to­lystyryp, toǵystyryp otyr. Jáne de elimizdiń tatýlyq pen turaqty­lyqtyń mekenine aı­nalýyna úlken úles qosyp keledi. Muny biz Mań­ǵys­taý oblysynda Táýelsizdiktiń aq tańymen qatar elimizde alǵash qu­rylyp, oǵan Elbasynyń ózi sát sapar tilegen «Halyq birligi» qoǵamdyq birlestigine qarasty 20 etno-mádenı birlestikterdiń kúndelikti jumy­synan anyq baıqaımyz. Atalǵan birlestiktiń jumysy bir­den oıdaǵydaı júrip ketti deý ar­tyq bolar. Degenmen, basshy aza­mat­tar­dyń kómegi, jalpy aı­maq hal­qynyń qonaqjaılyǵy, keń­peıildigi, bereke-birlikke degen talpynysy jumysqa serpin, aldaǵy kúnge degen senim bergeni shyndyq. Osy rette biraz jyldar birlestik basshysy bol­ǵan, aımaqtyń abyroıly aqsaqa­ly, Aqtaý qalasynyń qurmetti azamaty Jazdyrhan Seıdalıev bastaǵan ar­da­gerlerimizdiń eńbek­te­ri atap aıtýǵa turarlyqtaı. Ob­lys ákiminiń qol­daýy­men ákim­dik­tiń ǵımaraty ishinen árbir etno-má­denı birlestikke bar jaǵ­daıy jasalǵan jeke-jeke bólmeler berildi. Basqa da qajetti kómek­ter­den kende emes. Osy oraıda halyq súıispenshiligine bólenip júrgen Qa­zaqstan halqy Assambleıasy­nyń mú­shesi Mınzılıa Baıbýlatova basqara­tyn «Salavat» tatar-bash­qurt etno­-má­denı birlestigi men Fatıma Bırkle jetekshilik etetin   «Alan» osetın etno-mádenı bir­lestiginiń, Raısa Madenova bas­qa­ratyn res­pýblıkalyq «Qazaqstan koreıleri assosıasııa­sy» oblys­tyq fılıaly­nyń, Qur­banalı Ǵa­zızbekov basqara­tyn qyrǵyzdar­dyń «Ala-too», Er­gash Sultanov jetekshilik etetin óz­bekterdiń «Pah­takor» etno-mádenı bir­lestikteriniń  jumysyn erekshe atap aıtar edim. Atalǵan birlestikterdiń bári de Aqtaýda ótetin qoǵamdyq-má­denı is-sharalardyń eshqaısysy­nan shet qal­maıdy. Halyqtar dos­tyǵynyń qa­sıe­tin dáripteı oty­ryp, óz ult­ta­ry­nyń salt-dástú­rin, tilin jas urpaqqa úlgi etip usynady. Ortaq úıimizde bolasha­ǵy­myz úshin kúsh-jigermen jumys isteıtin bilimdi, belsendi patrıottar tárbıeleýge úles qosýdy oı­laıdy. Jalpy, ulttyq birligimizdi odan ári nyǵaıtýǵa jumys­tanady. Endigi bir mańyzdy másele – osyǵan deıin de aıtylyp kele jat­qan barshamyz úshin qasterli, kó­keı­kesti memlekettik til máse­lesi. Ol – barlyq qazaqstan­dyq­tardy jaqyn­das­tyra túsetin, adam­dar arasyn­daǵy senimdi ny­ǵaıtatyn qazaq tili. Bul rette Aqtaýda jyl saıyn ótetin til baıqaýyna, konkýrstarǵa etno-mádenı birlestikter men oblys­ta­ǵy ulttar men ulystar ókil­de­ri­niń belsene qa­ty­­syp, memlekettik tilge degen qurmet­terin kórsetýleri kóńil qýantady.  Osy jyly elimizdegi saıası naý­qan – prezıdenttik saılaý tu­synda etno-mádenı birlestikter músheleri Elbasy kandıdatýrasyn  qyzý qoldady. Al kúni keshe Astanada ót­ken Qazaqstan halqy As­sam­bleıa­synyń  HVII sessııasynda  Ult kósh­basshysy Nursultan Na­zarbaevtyń «Biz 2017 jylǵa qaraı memlekettik tildi meńgergen qa­zaqstandyqtar sa­nyn 80 paıyzǵa, al 2020 jylǵa qaraı odan da kóp paıyzǵa jetkizýdi maqsat etip otyrmyz» degen sózin qýana qup­taımyz. Bul degenimiz – jaı ǵana qazaq tilin meńgerý emes. Muny ózimiz ómir súrip otyrǵan eldiń ta­rıhyn, mádenıetin, salt-dás­túrin te­reń bile túsýdiń joly dep túsinemiz. Atalǵan sessııada Ult kóshbas­shysy 1 mamyr – Qazaqstan hal­qy­nyń birligi kúni merekesi bı­ylǵy el táýelsizdiginiń 20 jyl­dy­ǵy qarsa­ńyn­da atap ótiletin úlken meı­ram­dardyń biri ekendigin atady. Sondaı-aq bul  mereke bizdiń elimizdiń bar­lyq etnos­taryn burynǵydan da jaqyndas­tyra túsýge tıis ekenin kóldeneń tartty. Soǵan oraı bizdegi merekelik sharalar 23 sáýirden bastaý aldy. Bul joly bizder oblys or­talyǵynda ǵana emes, aýdan, qala­larǵa arnaıy daıyndalǵan konserttik baǵdarlama, ulttyq salt-dástúrlerdi, dostyqty nasıhat­taı­tyn kórmeler men stendter jasaq­tadyq. Aqtaýlyq stýdent-jastar­dyń qatysýymen «Bir sha­ńyraqtyń as­tynda» atty dóńge­lek ústel uıym­dastyrylsa, 20 etnomádenı birlestik kıiz úı tigip ázirlegen ár ulttyń qol óneri, ulttyq ta­ǵamdary baıqaýy oıdaǵydaı ótti.   Aty aıtyp turǵandaı, «Halyq kelisimi» birlestigi úshin de ult­aralyq dostyq, tatýlyq, túsinistik asa qajet. О́ıtkeni, sonda ǵana hal­qymyz aman, elimiz tynysh bola­tynyn biz jaqsy bilemiz. Táýelsiz Qazaqstannyń árbir azamaty ulty­na, násiline, ustanatyn dinine qara­maı, «Meniń Otanym – Qazaqstan» dep ómir súrse, erteńimiz­diń nurly bola­tyny kúmánsiz. Jazyp alǵan  Jolaman BOShALAQ. Aqtaý.