Respýblıka boıynsha Astana qalasynda saýdanyń qarqyn alǵany baıqalady. Elordadaǵy bólshek saýda aınalymy 19,9 mlrd teńgege kóbeıip, 80,3 mlrd teńgege jetken. Bul jalpy respýblıkalyq kórsetkishtiń 12,5%-yn quraıdy.
Esterińizge sala keteıik, ótken jyly Astananyń úlesi 10,6% bolǵan edi.
Sonymen qatar, ShQO-daǵy bólshek saýda aınalymy aıtarlyqtaı ulǵaıyp, 12,3% ósimmen 58,5 mlrd teńgege jetti. Al úshinshi orynda Qaraǵandy oblysy. Ortalyq Qazaqstandaǵy saýdagerlerdiń kásibi 9,7 mlrd ósimmen 60,8 mlrd teńgege jetti.
Taýar túrlerine toqtalar bolsaq, bólshek saýdanyń 38,1%-y azyq-túlikke tıesili. Bul kórsetkish aqpan aıynda 37,5% bolǵan edi.
Aıta keterligi, saýda kompanııalary negizinen zańdy tulǵalarmen jumys istegendi jón kóredi. Nátıjesinde, qazirgi tańda saýdamen aınalysatyn jeke kásipkerler zańdy tulǵa retinde tirkeı bastady. Naqtyraq aıtar bolsaq, osy saladaǵy kásiporyndardyń ishinde 57,3%-y zańdy tulǵa bolsa, qalǵan 42,7%-y jeke kásipkerler. Bir eskererligi, aqpan aıynda saladaǵy saýdagerlerdiń 53%-y ǵana zańdy tulǵa bolatyn.
Daıyndaǵan Baýyrjan Muqanov
