Jylyna 600 tonna balyq ónimderin óndirýge qaýqarly zaýyt «Ońtústik» aımaqtyq ınvestısııalar ortalyǵy arqyly 42 mıllıon teńge kóleminde tómengi paıyzben nesıe alǵan.
Búginde 30 adamdy jumyspen qamtyp otyrǵan seriktestik aldaǵy ýaqytta óndirisin keńeıtip, balyq ósirýdi de qolǵa almaq.
Qazirgi kúni munda balyqtyń fıle, muzdatylǵan jáne ystalǵan túrleri óndirilip otyr. Al óndirilgen ónim Eýropa elderiniń naryǵyna shyǵarylýda.
Shardara aýdany boıynsha «Saodat» JShS-iniń balyq zaýyty balyq óńdeýmen aınalysatyn 4-shi kásiporyn. Buǵan deıin jumys istep kelgen «Hamıt» aýylsharýashylyǵy óndiristik kooperatıviniń balyq óńdeý zaýyty, «Shardarabalyq-1» pen jeke kásipker Talǵat Jalǵasbaevtyń balyq óńdeý zaýyttary byltyrǵy jyly jalpy 4 myń tonnaǵa jýyq balyq óńdep, 3,2 mıllıard teńgeniń ónimin óndirdi. Onyń 80 paıyzdan astamy shet elderge eksporttaldy. Al jańadan ashylǵan kásiporyndar esebinen bıyl ónim kólemin 30 paıyzǵa arttyrý josparlanýda.
