Búgin Shymkentten kóktemgi sý tasqynynan zardap shekken Qaraǵandy, Aqmola, Soltústik Qazaqstan, Qostanaı, Pavlodar, Aqtóbe jáne Shyǵys Qazaqstan oblystaryndaǵy turǵyndarǵa gýmanıtarlyq júk tıelgen kólikter jiberildi.
Osy jyldyń sáýir aıynda Qazaqstannyń 7 óńirinde, ıaǵnı, Qaraǵandy, Aqmola, Soltústik Qazaqstan, Qostanaı, Pavlodar, Aqtóbe jáne Shyǵys Qazaqstan oblystaryndaǵy 52 eldi-meken kóktemgi sý tasqynynan zardap shekken bolatyn. Sonyń saldarynan eki myńǵa jýyq úı sý astynda qalyp, 120 tas joldy sý shaıyp ketken.
Mundaıda halqymyz «jumyla kótergen júk jeńil» deıdi. Oblystyq «Jastar resýrstyq ortalyǵy» KMM-niń janynan qurylǵan «Bizben birge» eriktiler mektebi turǵyndardan zattaı jáne aqshalaı gýmanıtarlyq kómek qabyldady.
Jalpy quny 15 mıllıon teńge bolatyn zattardy tıgen júk mashınasy jolǵa shyqty. Sý alǵan aýyldaǵy qamkóńil otbasylardyń qıyn jaǵdaıyna sep bolatyn kómek pen júrek jylýyn alyp bara jatqan jastar ári qaraı da járdemshi bolatyndyqtaryn aıtady.
Baqtııar TAIJAN,
«Egemen Qazaqstan»
Ońtústik Qazaqstan oblysy
