Búgin oblys ákimi Qyrymbek Kósherbaev sımpozıýmǵa qatysýshylardyń kórmesin tamashalap, olarǵa aımaq tarıhyna qyzyǵýshylyq tanytqandary úshin alǵysyn bildirdi.
-Syrdyń qasıetti de qasterli topyraǵy kórkemóner salasynda ataǵy kópke jaıylǵan talanttardy dúnıege ákeldi. Qazaqtyń tuńǵysh ulttyq drama teatrynyń sahna kórkemdeýshisi bolǵan halyq sheberi Látıpa Hojyqovadan bastap, aǵaıyndy Qojahmet jáne Qulahmet Hojyqovtar, Sahı Romanov pen Salıhıtdın Aıtbaevtar qazaq beıneleý óneriniń damýyna úles qosyp, qaıtalanbas óner órnegimen aıryqsha iz qaldyrdy. Elbasy «Bolashaqqa baǵdar: rýhanı jańǵyrý» atty baǵdarlamalyq maqalasy arqyly «Týǵan jer» baǵdarlamasyn qolǵa alýdy usyndy. Týǵan jerge, onyń mádenıeti men salt-dástúrlerine aıryqsha ińkárlikpen atsalysý – shynaıy patrıotızmniń kórinisi. Osy oraıda, Qyzylorda qalasynyń 200 jyldyq mereıtoıyna qaldyrǵan qoltańbalaryńyz úshin Sizderge alǵysymdy bildiremin,- dedi oblys ákimi.
Sonymen qatar sımpozıýmda Qazaqstannyń eńbek sińirgen qaıratkeri, QR Sýretshiler Odaǵynyń múshesi О́serbaı Shoranov sóz sóıledi. Sodan soń kelýshiler sımpozıým qatysýshylarynyń kórmesin aralady. Aldaǵy ýaqytta bul týyndylar Qyzylorda kórkemsýret galereıasyndaǵy eksponattar qataryn tolyqtyrmaq.
