«Qorymdardyń barlyǵy kirpishten qalanǵan, olar Uly Qytaı jazyǵynyń klassıkalyq qorymdaryna jatpaıdy. Boljam boıynsha, bul beıitter Shyǵys Han dınastııasy kezeńiniń sońynda, ıaǵnı 1,8 myń jyl buryn jerlengen», – dep málimdedi Qytaı qoǵamdyq ǵylym akademııasynyń qyzmetkeri Shen Vensı.
Onyń aıtýynsha, qorymdar jaqsy saqtalǵan. Arheologtar beıitterdiń barlyǵynda kóne artefaktiler tapqan. Olardyń arasynda qola qazandar kóp kezdesedi.
«Qola qazandardyń búıirinde eki tesigi bar. Sol arqyly ony ottyń ústine ilip qoıatyn bolǵan. Mundaı tásil kóshpeli halyqtarǵa tán, – dep tolyqtyrdy Shen Vensı. – Bizdiń paıymdaýymyzsha, bul artefaktiler ǵundarǵa tıesili».
Qorymdarda qazandardan bólek, monshaqtar, altyn syrǵalar, qanjarlar jáne ǵundardyń kúndelikti turmys-tirshiliginde qoldanǵan ózge de zattary tabylǵan. Mamandar bul qorymdardyń erekshe mańyzǵa ıe ekenin atap ótti. Sebebi, mundaı qorymdardyń basym kópshiligin tonaýshylar aqtaryp ketedi. Al atalǵan beıitterge eshqandaı zaqym keltirilmegen. Bul ǵalymdarǵa kóne dáýirge qatysty jańa mańyzdy faktilerdi anyqtaýǵa múmkindik beredi. Qorymdar qarasha aıynda tolyq qazylyp bitedi dep kútilýde. Sodan soń arheologtar jan-jaqty júıeli zertteýlerin bastaıdy.
