Is-shara josparyna saı bıyldyń ózinde 87 eldi meken turǵyndary sapaly elektr energııasymen qamtylmaq. Bul maqsatqa bıyldyń ózinde oblystyq jáne respýblıkalyq bıýdjet esebinen 11,3 mlrd teńge qarastyrylyp otyr.
Aıta keteıik, búginde oblys boıynsha elektr qýatyna jalpy qajettilik ortasha 400 MVt saǵatty quraıdy. Onyń 30 paıyzy ishki kózder esebinen óndirilse, 70 paıyzy elimizdiń soltústik óńirlerinen tasymaldanady.
Aǵymdaǵy jyly Shymkent qalasynda "Bozaryq", "Astana 1,2" qosalqy stansııalarynyń qurylysy aıaqtalady dep kútilýde. Nátıjesinde qaladaǵy ónerkásip oryndary men 430 myń turǵyn sapaly elektr energııasymen qamtamasyz etilmek.
Budan bólek, 7 qosalqy stansııalardyń (Akjar, 1M1, 1M2, 2M1, 2M2, Novostroıka 1, 2) qurylysy josparlanyp otyr.
Bıyl sondaı-aq Saryaǵash aýdanynda 220/100/10 kV "Qyzylásker" qosalqy stansııasynyń qurylysyn bastaý almaq. Bul maqsatqa 7,8 mlrd. teńge baǵyttalatyn bolady. Eger joba tolyǵymen iske assa, Saryaǵash, Maqtaaral, Shardara aýdandaryndaǵy 705 myń turǵyn men aýylsharýashylyq nysandary, ónerkásip oryndaryn úzilissiz, sapaly elektr energııasymen qamtamasyz etiledi. Iаǵnı, Maqtaaral, Saryaǵash, Shardara aýdandary ekonomıkasynyń ári qaraı damýyna qosymsha 50 MVt elektr energııasy paıda bolady.
Sonymen qatar, Ordabasy, Otyrar aýdandary men Arys qalasynyń aýmaǵynda ornalasatyn kásiporyndar men 244 myń turǵyndy turaqty elektr energııasymen qamtý maqsatynda "Badam" qosalqy stansııasynyń jobasy ázirlenýde. Atalǵan stansııanyń qurylysy 2018 jyly bastalady.
2018 jyly bastaý alatyn Tólebı aýdanyndaǵy «Alataý» qosalqy stansııasynyń qurylysyna 938,9 mln teńge bólinip otyr.
2017 jyly qýattylyǵy 3,5 MVt-ty quraıtyn Qazyǵurt jáne Saıram aýdandaryndaǵy 2 shaǵyn sý elektr stansııalarynyń qurylysy aıaqtalyp, iske qosylady dep kútilýde.
Osy jobalardy iske asyrý arqyly elektr jelileriniń tozý deńgeıin 2017 jyly 55,7 paıyzdan 54,8 paıyzǵa, 2021 jyly 52,4 paıyzǵa tómendetý kózdelýde.
