Onyń quramyna Investısııalar jáne damý jónindegi, energetıka, syrtqy ister mınıstrlikteriniń, «KAZAKH INVEST» UK, «Damý» kásipkerlikti damytý qory» AQ, «Qazaqstandyq memlekettik-jeke áriptestik ortalyǵy» AQ, «Astana» halyqaralyq qarjy ortalyǵy ákimshiligi» AQ ókilderi kirdi.
Saýda, kólik, týrızm, aqparattyq-kommýnıkasııalyq tehnologııalar jáne ınnovasııalar, ınvestısııalar, shaǵyn jáne orta bıznesti damytý, aýyl sharýashylyǵy, ıslamdyq qarjylandyrý salasyndaǵy jáne basqa da máseleler talqylandy.
R. Dálenov Komıtettiń 3-shi otyrysynda sóz sóıleı kelip, shaǵyn jáne orta kásipkerliktiń damýy, saýda, týrızmdegi malaızııalyq tájirıbe Qazaqstan úshin meılinshe qyzyǵýshylyq týdyratynyn atap aıtty.
Sondaı-aq, R. Dálenov Qazaqstannyń «halal-óndirýshiler» jahandyq tizbegine qosylý perspektıvasy týraly áńgimeleı kelip, Malaızııanyń álemdegi iri halal-ındýstrııa habtarynyń biri retindegi aýqymdy tájirıbesin atap ótti.
Qazaqstanda týrıstik qyzmetti memlekettik qoldaýdyń anaǵurlym tıimdi sharalary engizilgen, ol Qazaqstandaǵy basym salalardyń biri retinde belgilenip otyr.
Sonymen birge, birneshe baǵyttaǵy yntymaqtastyq boıynsha jumys toby qurylyp otyr: halal-ındýstrııa, ıslamdyq qarjylandyrý, týrızm, jańǵyrmaly energııa, munaı jáne gaz, ınvestısııalyq yntymaqtastyq.
2016 jyldyń qorytyndysy boıynsha eki el arasyndaǵy taýar aınalymy 82,9 mln. AQSh dollaryn quraıdy.
11 jyl ishinde (2005-ten 2016 jj.) Malaızııanyń QR-ǵa tartylǵan tikeleı sheteldik ınvestısııalardyń jalpy kólemi 28,2 mln. AQSh dollaryn qurady. Malaızııaǵa Qazaqstandyq ınvestısııa uqsas merzimde 3,0 mln. AQSh dollaryn quraıdy.
3-shi otyrys aıasynda aǵymdaǵy jylǵy 3 mamyrda «New Business Opportunities in Kazakhstan» bıznes-forýmy ótkizildi, sondaı-aq Malaızııanyń iri bıznes ókilderimen birqatar kezdesýler ótti.
