Birneshe avtobýsqa mingen úlken-kishi Alataý baýraıyna Almaty aportynyń jańa surpyn otyrǵyzýǵa asyqty. Igi bastamany Almatylyq kásipkerler qolǵa alǵan. Investısııalyq jobanyń jalpy quny 400 mln teńge. Ile Alataýy baýraıyndaǵy 17ga aýmaqqa bastapqy ýaqytta 3 myń, keıinnen 10 myń jasyl jelek otyrǵyzylmaq. 17ga aýmaqty 49 jylǵa jalǵa alǵan kásipkerler, almanyń jańa surpyn jandandyryp, atalǵan baqtaǵy burynnan bar alma aǵashtaryn erekshe kútimge alyp, qaıta qalpyna keltirmek.
«Otyrǵyzylǵan kóshetterdi jetildirý úshin eshqandaı hımııalyq qospa qoldanbaımyz. Iаǵnı, aǵashtar tabıǵı jolmen ósiriletin bolady. Mal jaıylymynan saqtaý úshin baq tóńiregin sharbaqpen qorshaıtyn bolamyz. Naǵyz aport aǵashynyń qalyptasýyna qunarly topyraq pen erekshe kútim qajet» deıdi agranom Samır Ismaılhanov.
Mamandar egilgen jańa surypty kóshetter tek 9 jyldan keıin jemis bere bastaıtynyn aıtady. Dámi til úıiretin, kólemi qaýyndaı Almatynyń álemge áıgili ásem aportymen qaıta qaýyshatyn kúnde alys emes dep úmitteneıik.
Arman OKTIаBR,
«Egemen Qazaqstan»
ALMATY
