Keıbir zańnamalarǵa ózgerister tanystyryldy

Otyrysty jumys toby­nyń jetekshisi, Zańnama jáne sot-quqyqtyq reforma ko­mıtetiniń tóraǵasy Nur­lan Ábdirov júr­gizdi. Al zańǵa qatysty ózgeristermen Ádilet mınıstri Marat Beke­taev tanystyrdy.

Zań jobasy boıynsha ózgeris­ter segiz Kons­tıtý­sııa­lyq zań­ǵa engiziledi («Saılaý týraly», «Parla­ment jáne onyń depý­tat­tary­nyń mártebesi týraly», «Respýblıkalyq referendým týraly», «Úkimet týraly», «Pre­­zıdent týraly», «Kons­tıtý­sııalyq Keńes týraly», «Tuńǵysh Prezıdent – Elba­sy týraly», «Sot júıesi men sýdıa­lardyń már­tebesi týraly»).

Ádilet mınıstri: «Prezı­dent týraly» Konstıtýsııa­lyq zańda Prezıdenttiń ókilet­tikteri kons­tıtýsııalyq túzetýlerge sáıkes keltiri­le­di. Atap aıtqan­da, Pre­zı­dent Parlament Máji­li­si­men konsýltasııalardan ke­ıin Premer-Mınıstr engizgen usynýmen Úkimet múshe­lerin qyz­metke taǵaıyndaıdy. Sony­men qatar, Parlament de­pýtattary Konstıtýsııada beki­tilgen tár­tip­pen (57-bap, 6-tarmaqsha) Úkimet múshesin qyzmetinen bosatý týraly ótinish jasaǵan jaǵdaıda, Pre­zı­dent ony qyzmetinen bo­sa­­­tady. «Prezıdent týraly» Kons­tıtýsııalyq zańnan Pre­zı­­dent­tiń kelesi zań shy­ǵarý fýnksııalary alynyp tastalady: zań kúshi bar jar­lyq­tar shyǵarý, zań jobasyn shuǵyl dep jarııa­laý, Úkimetke zań jobasyn Máji­lis­ke engizýdi tapsyrý jáne Úki­met aktileriniń kúshin joıý. «Tuń­ǵysh Prezıdent – Elbasy týra­ly» Konstıtýsııalyq zańda Qazaq­stannyń Tuńǵysh Prezı­dentiniń «Elbasy» retin­degi ataýy men már­tebesine qatysty túzetýler en­gi­ziledi», dep taratyp túsin­dirdi.

«Parlament jáne onyń depý­tattarynyń mártebesi týraly» Konstıtýsııalyq zań jańa jıyrma eki de bir (22-1) baby­men to­lyq­tyrylady. Ol Úki­met mú­sheleri kandıdatýralaryn Má­jilispen kelisý tártibin anyq­taıdy. Konsýltasııalar Máji­­listiń tıisti turaqty komı­tetterinde ótetin bolady. Tıisti kandıdatýralardy Premer-Mınıstr nemese ol ókilettik bergen laýazymdy tulǵa usynady. Árbir talqylanatyn kandıdatýra jóninde Májilistiń tıisti komıteti qorytyndy shyǵaratyn bolady.

«Úkimet týraly» Konstı­týsııalyq zańda, kons­tı­týsııalyq túzetýlerge sáıkes, Úkimet quramyna kirmeıtin ortalyq atqarýshy organdardy joıý boıynsha ózgerister engi­ziledi. Sonymen qatar, Úki­­met­tiń Prezıdent pen Par­la­ment arasyndaǵy qarym-qaty­na­syn retteıtin normalar beki­ti­ledi. Úkimet Par­lament Má­j­i­li­siniń ókilettik merzimi aıaq­tal­ǵansha qyzmet etedi jáne jańa­dan saılanǵan Parlament Máj­ilisiniń aldynda ókilettigin toqta­tady. «Saılaý týraly» Kons­tı­týsııalyq zańda saılaý­shy­lar men saılaý úderisi­ne qatysýshylardyń quqyqtyq saýattylyǵyn arttyrý maq­satyn­da túzetýler kózdelgen.

Sonymen qatar, mınıstr Prezıdenttikke kandıdatqa qoıylatyn qosymsha talaptar engizilgenin málimdeı kelip, bylaı dep atap ótti. Olar:

- memlekettik qyzmette nemese saılanatyn memlekettik laýa­zym­darda keminde 5 jyl tájirı­besiniń bolýy,

- mindetterin oryndaýǵa keder­gi bolatyn aýrýlardyń joqty­ǵyn rastaý (ol úshin medı­sı­nalyq kýálandyrý ótedi).

Baıandamadan keıin mınıstr depýtattardyń suraqtaryna jaýap berdi.

Zań jobasynyń tanysty­rylymyna memlekettik organ­dar men parlamenttik emes saıa­sı partııalardyń, úki­met­tik emes uıymdardyń ókil­de­ri men saıasatkerler jáne sarapshylar qatysty.

Nurlybek DOSYBAI, 

«Egemen Qazaqstan»