Parlament depýtattary dárimen qamtamasyz etýdiń ózekti máselelerin jáne osy saladaǵy problemalardy sheshý joldaryn talqylamaq.
Parlamenttik tyńdaýǵa Májilis Tóraǵasy Nurlan Nyǵmatýlın jáne Premer-Mınıstrdiń birinshi orynbasary Asqar Mamın qatysady dep kútilýde.
Sharada Densaýlyq saqtaý mınıstri Eljan Birtanovtyń, Investısııalar jáne damý mınıstri Jeńis Qasymbektiń, Aqtóbe oblysynyń ákimi Berdibek Saparbaevtyń, sondaı-aq dárilik saıasat salasyndaǵy halyqaralyq sarapshy Frans Stobbelaardyń (Nıderland) taqyryptyq baıandamalary tyńdalatyn bolady.
Sonymen birge, tyńdaýdy daıyndaý jónindegi arnaıy ýaqytsha komıssııanyń jetekshisi, Májilis depýtaty Beıbit Mamraev baıandama jasaıdy.
Parlamenttik tyńdaýǵa, sondaı-aq, ortalyq jáne jergilikti atqarýshy organdar ókilderi, iri farmasevtıkalyq kásiporyndardyń basshylary men sheteldik sarapshylar, medısına qyzmetkerleri, úkimettik emes uıymdar men buqaralyq aqparat quraldarynyń ókilderi qatysady dep josparlanǵan.
Tyńdaý qorytyndysy boıynsha Qazaqstan Respýblıkasynyń Úkimetine usynystar ázirlenedi.
