Atalǵan elde alty jyldan astam ýaqyttan beri jalǵasyp jatqan soǵystyń yqpaly sezilmegen aımaq joq deýge bolady. Uzaqqa sozylǵan qaqtyǵys Taıaý Shyǵystyń ǵana emes, búkil álemniń bas aýrýyna aınaldy. Sol úshin de álemdik qoǵamdastyq beıbitshiliktiń ornaýyna kúsh-jigerin jumsaýda. Sırııa máselesine qatysy bar syrtqy jáne ishki kúshterdiń barlyǵy Astana prosesiniń jalǵasýyna múddeli ekendikterin kórsetti. Tórtinshi raýndqa taraptardyń barlyǵynyń kelgeni osynyń bir kórinisi.
Árıne, qarýly oppozısııa toptarynyń kelissózderdiń tórtinshi raýndyna kelýine qol jetkizý ońaı emes. Iаǵnı, muny qazaqstandyq dıplomatııanyń ǵana emes, barlyq taraptardyń mańyzdy jetistigi dep baǵalaǵan jón.
Árıne, jaǵdaı áli de kúrdeli, ony osy raýndta sheship tastaý múmkin emes. Degenmen, taraptardyń barlyǵynyń bir ústel basynan tabylǵany, osy formatqa barlyǵynyń keliskeni prosestiń aldaǵy ýaqytta ilgerileýine myqty negiz boldy, ol bolashaqta ahýaldyń beıbit jaǵdaıda sheshilýine alyp kelýi múmkin.
Ádil KAÝKENOV,
saıasattanýshy
