Bul Astana prosesiniń mańyzy zor ekendigin kórsetedi. Kerek deseńiz, Astana prosesi Jeneva kelissózderimen salystyrǵanda nátıjeli deýge bolady.
Sırııadaǵy soǵys 2011 jyldan beri tolastamaı tur. Ony toqtatý kelissózderdiń áli biraz raýndyn qajet etedi. О́kinishke qaraı, Taıaý Shyǵysta qaqtyǵystardyń odan ári jalǵasa berýine múddeli toptar bar, sol sebepti, máseleni beıbit jolmen retteıtin deńgeıge jetý úshin áli birtalaı ýaqyt kerek bolýy múmkin.
Sırııa úkimetine qarsy oppozısııalyq toptardyń bir bóliginiń bitimge kelýge, máseleni beıbit jolmen sheshýge múddeli ekendigi baıqalady. Bul, bir jaǵynan, Sırııa, Iran, Túrkııa syndy elderdiń bir-birimen qaıshy kelý múmkindigin azaıtady. Bul – óte jaqsy nátıje, sebebi, bári bir-birine qarý kezenetin jaǵdaıǵa jetse, ahýal ýshyǵyp ketýi múmkin. Astana prosesi Túrkııa, Iran, Reseı elderine Sırııadaǵy atys rejimin toqtatý boıynsha is-qımyldaryn ózara úılestirip otyrýǵa múmkindik berdi.
Marat ShIBUTOV,
saıasattanýshy
