О́ıtkeni, ár adamnyń týǵan jeri bar. О́mirdiń óz tájirıbesi kórsetkendeı, Prezıdentten bastap qarapaıym jumysshyǵa deıin Astanada nemese Almatyda tursa da bir búıregi týǵan jerine buratyny shyndyq.
Burynnanda óz týǵan jerlerine sport alańyn, meshit, mektep, balabaqsha salyp bergen jomart jandardyń qatarynda N.Balǵymbaev, N.Sabılıanov, aǵaıyndy Baısholaqov baryn biletinmin. Aldaǵy ýaqytta Elbasynyń baǵdarlamalyq maqalasynda aıtylǵan «Týǵan jer» baǵdarlamasyna óz úlesin qosatyn patrıot jandar kóbeıeri sózsiz. Týǵan jerine kómek qolyn sozyp, aýyldastarynyń alǵysyn arqalaıtyn jandardyń kóp bolýy eldiktiń, birliktiń belgisin aıqyndaıdy.
Qarabaý óńiri – tarıhı-mádenı meken. Bizdiń týǵan jerimizde de talaı batyrlar men aqyndardyń izi qalǵan, eldiń kórkeıýine úles qosqan qoǵam qaıratkerleriniń qoltańbasy bar. Aýyl kólemindegi ár otbasynda ulttyq qundylyǵymyzdyń kýási bolatyn jádigerler tabylatyny da shyndyq.
Al qazirgi urpaqtyń kóbiniń jastyqaǵash, asadal, júkaıaq, mosy, t.b. bilmeıtindigi de málim.
Ǵasyrlar boıy halqymyzdyń kádesine jaraǵan buıymdardy, ult jádigerlerin bilmeý – úlken syn. Sondyqtan da ár aýylda ótkenimizdi eske túsiretin, ulyqtaıtyn mýzeı ashylsa, urpaǵymyzdyń el tarıhyna, mádenıetine, salt-dástúrine qyzyǵýshylyǵy artyp, qadir-qasıetin túsineri anyq.
Gúljan TOQMYRZINA,
muǵalim
Atyraý oblysy,
Qyzylqoǵa aýdany,
Qarabaý aýyly
