Qarqyndy qurylys: ajarly atyraýdyń abyroıy bıik

Áleýmettik nysandardyń sany artady
Qazir oblysta «Nurly jer» baǵdarlamasy aıasynda 37­ kóp páterli turǵyn úıdiń qu­­­­rylysy júrip jatyr. Jyl ba­­synan beri 119,2 myń sharshy me­tr turǵyn úı paıdalanýǵa be­rildi, bul ótken jylǵymen sa­lys­tyrǵanda 4,2 paıyzǵa kóp, deı­di M.Jantóreev. 2018 jyly ob­lys ortalyǵynda «Bereke», «Nur­saıa» shaǵyn aýdandarynda 44 kóp páterli úı salynady. Jeke turǵyn úı qurylysynyń biryńǵaı sáýlettik kelbetin ja­saý maqsatynda ákimdikpen ın­jenerlik kommýnıkasııa tartylǵan 400 ýchaske daıyndaldy. Qurylys jáne turǵyn úı-kommýnaldyq sharýashylyq komıtetiniń eskızdary boıynsha 80 turǵyn úıge jobalaý-sme­talyq qujattar jasaqtaý ju­mystary bastaldy.
Aımaqta áleýmettik ny­san­­dar qatary da jyl sanap artyp keledi. Jylyoı aý­da­nynyń Jańa Qaraton, Qos­sha­ǵyl, Turǵyzba aýyldarynda, Qurmanǵazy aýdany­nyń Ga­nıý­­shkıno aýylynda, Isataı aý­danyndaǵy H.Erǵalıev aýyly­n­­da endi jańa balabaqsha bo­la­dy. Budan bólek,14 mektep­ke ǵımarat salynyp jatyr. D.Nurpeıisova atyndaǵy mý­zykalyq kolledjine 100 oryn­dyq jataqhana qurylysy da bastaldy.
Atyraý qalasynyń rea­bı­lıtasııalyq ortalyǵy men N.Tilen­dıev atyndaǵy Kishi óner akademııasyna japsar­jaı sa­lynady. Oblys ortalyǵynan oqý­shylar men jastar úıi boı kóteredi. Basqarma bas­shy­sy­nyń orynbasary Qur­man­ǵa­­zy aý­dany Dáshin aýylyn­da ba­la­lar saz mektebi men Q.Dút­ba­­eva atyndaǵy gý­ma­nı­tarlyq kolledjge sport ke­she­nin salý úshin qajetti qujattar daı­yndalyp jatqanynan habar­dar etti. 
Qurylys salasyndaǵy ja­ńa­lyqtardan densaýlyq saqtaý ny­sandary da tys qalmaıdy. Qa­zir Inder aýdany Kóktoǵaı aýy­lynda dárigerlik ambýla­to­rııa salynyp jatyr. Atyraý qa­lasynda ókpe aýrýlar aý­rý­hasynyń aýmaǵyna beton qorshaý ornatý jumysy da josparǵa saı júrýde. Qyz­yl­qoǵa aýdanynyń Mııaly, Qa­ra­baý aýyldarynda, Isataı aý­dany ortalyǵynda jáne Atyraý qa­lasy mańyndaǵy Tas­qala aýylsynda densaýlyq saq­taý nysandary qoldanysqa be­riledi. Jylyoı aýdanynda týberkýlezge qarsy dıspan­ser qaı­ta jańǵyrtylyp, júı­ke aý­rýlarymen aýyratyn adam­dar­­ǵa arnalǵan úı ınter­natyn sa­­lý úshin qujattar daı­yn­da­la­dy. 
Aımaqta sońǵy jyldary mádenıet oshaqtarynyń sany art­ty. Qazir 8 mádenıet úıi­niń qurylysy júrip jatyr. «Jyl aıaǵyna deıin taǵy da 3 má­de­nıet úıin turǵyzýǵa qatysty qu­jat­tar retteledi. Atyraý qa­lasynda Dostyq úıi boı kó­te­redi», deıdi M.Jantóreev.
Oblys halqynyń 25,9 paıyzy sportpen shuǵyldanady. Oblys ortalyǵynda ǵana emes, alystaǵy aýyldarda da qazir sport keshenderi bar. Bıyl bıýdjet esebinen Atyraý qalasy Tomarly eldi mekeninen úlken fýtbol men jeńil atletıkaǵa arnalǵan alańnyń qurylysy, Atyraý qalasy Keńózek aýy­ly­nan 320 oryndyq sport ke­sheni qurylysy, Isataı aý­­dany Aqqystaý aýylynan 160 oryndyq sport kesheni qu­ry­lys­tary josparlanǵan. Aı­ta ke­tý kerek, áleýmettik ny­san­dar qatarynyń artýyna aı­maq­­­t­aǵy munaı kompanııalary men iri kásiporyndar da úles qo­­­syp júr. «Teńizshevroıl» kom­­­­panııasy Jylyoı aýda­ny­n­­d­aǵy Turǵyzba, Qosshaǵyl, Maı­­­­­kómgen aýyldaryna úsh de­­ne shynyqtyrý-sa­ý­­y­q­­­­­ty­rý ke­shenderin s­a­lý úsh­in qar­jy bólip otyr. Osy aý­dan­ǵ­a qarasty Shoq­pa­­­rt­oǵaı, Aqkıiztoǵaı, Ja­ńa Qaraton aý­yldarynda da TShO-nyń qa­rajaty ese­bi­nen jańa ke­shen­der boı kó­te­redi. «Qaz­MunaıGaz» AQ Aty­raý qa­lasy men Aqjal eldi me­ke­nin­de 5 sport keshenin salyp ja­tyr. Aldaǵy ýaqytta oblys or­ta­lyǵynda taǵy da 3 sport za­ly bolady. 
Jańa ǵımarattar – el ıgiligine
Oblystyq qurylys bas­qar­masy bergen málimette qor­shaǵan ortany qorǵaý nysan­dary jaıly da kórsetilgen. My­saly, «Atyraý oblysy Ja­ı­yq ózeniniń sýyn molaı­tý já­ne gıdrologııalyq rejimin jaq­sartý» jobasy boıynsha jumystar aıaqtalýǵa taıaý. Inder­bor kentinde káriz-sor­ǵy beketi men káriz júıesi qu­ry­lysyn salý jumystary bas­taldy. Sonymen qatar, Aty­raý oblysy aýmaǵynda Jaı­yq jáne Qıǵash ózenderin sý­lan­d­yrý boıynsha jobalaý-sme­ta­lyq qujattamasyn jasaqtaý ju­mystary júrgizilýde. 
«Ob­lys aýdandarynda 10 qatty tu­r­mystyq qaldyqtar polıgo­nyn salý úshin (Jylyoı aýdany Qulsary qalasy, Isataı aý­dany Aqqystaý aýyly, In­der aýdany Inderbor kenti, Mahambet aýdany Mahambet aýyly, Maqat aýdany Maqat kenti, Qurmanǵazy aýdany Súı­in-
dik, Kotıaevka, Ganıýshkın aýyldary, Qyzylqoǵa aýdany Mııaly jáne Saǵyz aýyldary) jobalaý-smetalyq qu­jat­tar jasaqtalyp jatyr, de­di basqarma basshysynyń oryn­basary Mereı Jantóreev. Atyraý qalasynda 35 to­nna­lyq túp tunbasyn qurǵatý stan­sasyn salýǵa jáne Qur­man­ǵazy aýdany Qıǵash óze­ginen eldi mekenderin sý tas­qy­nynan qorǵaý bógetterin qaı­ta jańǵyrtýǵa kóńil bó­lindi. Atyraý qalasynda maman­dan­dyrylǵan halyqqa qyzmet kór­setý ortalyǵy, ishki ister de­partamenti, Isataı aýdany Aqqystaý aýylynda HQK orta­ly­ǵy aldaǵy ýaqytta zamanǵa saı ǵımaratpen qamtamasyz etiledi». 
Aspanmen talasqan záý­lim ǵımarattar, qos qur­ly­q­t­y jalǵaǵan kópirler, kúm­be­zin kún súıgen sáýlet es­ker­­tkishteri, jańarǵan ın­fra­­qurylym, el ıgiligine be­ril­gen jańa nysandar búgingi Aty­­raýdyń kórkem kelbetine aı­nal­­dy. Elimizde, onyń ishinde tek qana Atyraýda erekshe ónim shy­ǵaratyn kásiporyndar qa­tary kóbeıdi. Elbasy tapsyr­ma­symen qolǵa alynǵan meml­e­ke­ttik baǵdarlamalar aıasynda ja­ńa zaýyttar salyna bastady. Áleýmettik nysandardyń ma­terıaldyq-tehnıkalyq bazasy nyǵaıdy. Munyń bári alyp qu­rylys alańyna aınalǵan Aty­raýdyń ajaryn aıshyqtap tur. 

Baqytgúl BABASh,
«Egemen Qazaqstan»

ATYRAÝ