«Tekserý – olardyń ústinen qylmystyq is qozǵaý degen sóz emes, dedi Májilis dálizinde jýrnalısterdiń suraǵyna jaýap bergen Kravchenko. – Eger ustalǵan adam ana azamattardy ózine dóreki kúsh qoldandy jáne ol ózi sol sátte tóndirgen qoǵamdyq qaýiptiń deńgeıine sáıkes kelmeıtin dep aıyptasa, onda qylmystyq is qozǵalýy múmkin. Tergeý-tekserý jumystary Qylmystyq-prosessýaldyq kodekstiń aıasynda júredi. Jaıdan jaı eshkim jaýapqa tartylmaıdy, men muny 100 paıyz senimmen aıtam».
Astanada alty jasar qyzdy zorlamaq boldy degen kúdikpen er adam ustalǵan bolatyn. Áleýmettik jelide birneshe azamattyń beline deıin jalańash adamdy «pedofıl» dep uryp jatqany týraly vıdeo tarady.
Jelide taraǵan basqa da málimetter boıynsha, Astanada salynyp jatqan vokzaldyń mańynda kishkentaı qyzdy aıdalaǵa alyp bara jatqan adamdy baıqap, serikterimen birge artynan qýǵan azamattyń aty-jóni Asqar Qajyǵumarov. Ol Shyǵys Qazaqstan oblysynda týǵan, 22 jasta, deneshynyqtyrý kolledjin bitirgen. Qazir qurylysshy bolyp jumys isteıdi.
