Osy maqsatta óńirge Qazaq Ulttyq Agrarlyq ýnıversıtetiniń rektory Tilektes Espolov bastaǵan 50-ge jýyq ǵalymdar men professorlar arnaıy kelip, semınar keńes ótkizdi.
«Elbasymyz bıylǵy Joldaýynda «Agrarlyq sektor ekonomıkanyń jańa draıverine aınalýy kerek» degen bolatyn. Osy oraıda Ońtústik Qazaqstan oblysy ákimdigi men Ýnıversıtetimizdiń arasynda ekijaqty yntymaqtastyq jóninde memarandýmǵa qol qoıylǵan. Ondaǵy maqsat – osy óńirdiń aýylsharýashylyq salasyn ǵylymı negizde damytyp, birqatar salalardaǵy jańashyl ınnovasııalyq ıdeıalardy iske asyrýǵa múmkindik týǵyzyp, jaqsy jetistikterge jetý», – dedi Tilektes Espolov.
Semınar keńeste Ońtústikke arnaıy kelgen ǵalymdar mal sharýashylyǵy, veterınarııa, baqsha daqyldary, kókónis pen jemis-jıdek, jylyjaı sharýashylyqtaryn damytýǵa arnalaǵan ınnovasııalyq jobalarmen tanystyryp, az shyǵynmen mol nátıjege jetýdiń joldary jaıynda pikir alysty.
Baqtııar TAIJAN,
«Egemen Qazaqstan».
Ońtústik Qazaqstan oblysy.
