«Atyraý» halyqaralyq áýejaıy men «Munaıshy» stadıonynan bastalatyn marafonǵa qatysýǵa eki myńnan astam adam nıet bildirgen.
О́ńirlik kommýnıkasııalar qyzmetinde ótken brıfıngte uıymdastyrý komıtetiniń ókili Iýrıı Ponomarev júgirý jarysynda baq synaýǵa qatysýshylardyń eń úlkeni 74 jastaǵy ardager ekenin aıtty. Qashyqtyqqa júgirýshilermen birge polısııa qyzmetkerleri, jedel járdem de jolǵa shyǵady. Qatysýshylar júgirýdi jalǵastyra almaıtyn jaǵdaı bolsa, shuǵyl kómek kórsetý úshin arnaıy avtobýs qarastyrylǵan. Jol boıyna sý taratatyn stasıonarly jáne medısınalyq pýnktter ornalastyrylady. Jeńimpazdar 8 atalym boıynsha marapattalady. Marafon qurmetine estrada juldyzdarynyń qatysýymen tegin konsert qoıylady.
Baspasóz-máslıhatyna Gınnesstiń rekordtar kitabyna jeti ret esimi engen Marat Jylanbaev, Olımpıada chempıony Olga Shıshıgına, oblystyq dene shynyqtyrý jáne sport basqarmasynyń basshysy Azamat Beket qatysty.
Baqytgúl BABASh,
«Egemen Qazaqstan».
ATYRAÝ.
