Qalalyq densaýlyq saqtaý basqarmasynyń aıtýynsha, ortalyqty qurýda egde jastaǵy adamdar áleýmettik damýdyń oń faktory retinde qarastyrylatyn álemniń ozyq elderiniń tájirıbesi paıdalanyldy. Qazaqstanda 2016-2019 jyldarǵa arnalǵan «Densaýlyq» memlekettik baǵdarlamasy iske asyrylýda, onda egde jastaǵy adamdarǵa qamqorlyq jasaý men olardyń qajettilikterine aıryqsha kóńil bólingen.
Ortalyqty qurýdaǵy negizgi maqsattardyń biri – eresek jáne egde jastaǵy adamdardyń jaı-kúıin keshendi gerıatrııalyq baǵalaý. Iаǵnı, eresek jáne egde jastaǵy adamdardy kópólshemdi, kópprofıldi dıagnostıkalyq baǵalaý. Keshendi gerıatrııalyq baǵalaýǵa dáriger-gerıatr, kardıolog, nevrolog, psıholog, áleýmettik qyzmetker, klınıkalyq farmakolog qatysady. Ortalyqta mamandar emdelýshiniń fızıkalyq jáne fýnksıonaldyq jaı-kúıin, onyń jadyn, emosınaldyq jaǵdaıyn, dárilik terapııanyń qaýipsizdigin baǵalaıdy. Sonymen qatar, tamaqtaný máseleleri boıynsha keńes beredi, emdik-fızıkalyq jattyǵýlar, emdeý, kútý men saýyqtyrýdyń jeke josparyn ázirleıdi.
Gerontologııa ortalyǵy sapaly dıagnostıkalyq sharalar ótkizýge arnalǵan zamanaýı medısınalyq quraldarmen jabdyqtalǵan.
